Сайловми ёки тайинлов?

Ўзбекистонда май-июнь ойларида бўлиб ўтадиган фуқаролар йиғинлари раислари (оқсоқоллари) ва уларнинг маслаҳатчилари сайловини ташкил этиш ва ўтказишга кўмаклашувчи комиссиялар таркибига маҳаллий халқ депутатлари кенгашлари депутатлари, маҳаллий давлат ҳокимияти ва бошқаруви органлари хизматчилари ҳамда турли жамоат ташкилотлари вакиллари киритилган.

Бу ҳақда хабар берган «Правда востока» газетаси Тошкент вилоятида айни пайтда бу комиссиялар ва ишчи гуруҳлар фуқаролар йиғинлари раислари ва маслаҳатчиларини аниқлаш ва рўйхатга олиш билан шуғулланаётганини маълум қилди.

Гарчи газета номзодларни аниқлаш муқобиллик асосида ўтказилаётганини ёзган бўлса-да, сайловда номзодларни нега амалдаги ҳокимият вакиллари танлаяпти, деган савол туғилиши табиий.

Демак, демократик доираларда айтилаётган гаплар, яъни Ўзбекистонда бу сайлов ҳам аслида танлов, тўғрироғи, тайинловга айланиши борасидаги фикрларда асос бор экан-да!

Eltuz.com