Кундалик
13 апрел 2016

ИШИДга алоқадорликда айбланган армани фермернинг адвокати хибсга олинган

eltuz.com сайтига, ИШИДга алоқадорликда айбланиб, 7 йил озодликдан махрум қилинган Жиззахлик фермер, армани миллатли Арамаис Авакяннинг адвокати Олим Қобилов хибсга олиниб, қамоқ жазосига хукм қилингани хақида хабар етиб келди.

Ўтган йилнинг 4 сентябр куни МХХ томонидан ўғирлаб кетилиб, ИШИДга алоқадорлик ва қўпорувчиликда айбланган фермер Арамаис Авакян хамда унинг 5 нафар шеригининг тергови қийноқлар ва рухий босимлар остида олиб борилганини тасдиқловчи мухим далиллар ва фактларни элтуз сайти орқали ошкор этилишига хисса қўшган Олим Қобилов, ушбу иш бўйича хукм ўқилишига бир неча кун қолганида, кутилмаганда линцензиядан махрум қилинган эди.

rasm1152
Авакяннинг адвокати Олим Қобилов, 7 йиллик қамоқ жазосига хукм қилинган

Ўша кунлари у бизга, Жиззах вилоят МХХнинг тайзиқи билан линцензияси олиб қўйилганлигини айтиб, ушбу сохта жиноий ишни уюштирган юқори мартабали вилоят амалдорлари “Арамаис Авакян иши” тафсилотларини ошкор этмаслик учун ҳар нарсага тайёрлиги хақида огохлантирган эди.

Шунингдек, адвокат Олим Қобилов, линцензиясиз қолган бўлсада Арамаис Авакян иши бўйича унинг оиласи ва яқинларига хуқуқий кўмак беришда давом этишини ва ушбу “қўлбола” жиноий ишни Олий судгача олиб чиқишга кўмаклашишини хам айтган эди.

Иш фаолиятидан четлатилган бўлишига қарамай, Олим Қобилов ўз ваъдасида қолди: у, сохта айбловларни бўйнига олиши учун ноинсоний қийноқларга солинган Арамаис Авакян, Дилшод Алимов, Бектемир Умрзоқовларнинг яқинларига норасмий тарзда хуқуқий маслахатлар бериб борди, уларга юқори инстанцияларга аризалар ёзишни ўргатди.

Бу орада, 19 феврал куни Арамаис Авакян ва унинг шериклари устидан хукм ўқилди. Таажубланарли жойи шундаки, 50 сахифага жо бўлган суд хукмининг биринчи сахифасида, “…судланувчи Арамаис Авакян ва Дилшод Алимовларнинг манфаатларини химоя қилувчи адвокати Олим Қобиловнинг иштирокида…” деб ёзиб қўйилган эди. (ўша сахифанинг расми илова қилиняпти)

Хукм ўқилган суд мажлисида адвокат Олим Қобиловнинг иштирок этмаганини судланувчиларнинг яқинлари хаммаси тасдиқлади. Сайтимиз мухаррирининг адвокатни топишга уринишлари бесамар кетди.

Олим Қобилов изсиз ғойиб бўлганди

Ва нихоят, Жиззахдаги танишларимиз йўқолиб қолган адвокатнинг тақдири ҳақида дарак топишди. Дарак эса унчалик қувонарли эмас эди.

Уларнинг Жиззах вилоят адлия бошқармасидаги манбааларига таяниб айтишича, адвокат Олим Қобилов, бундан бир ойларча муқаддам, Ўзбекистон Жиноий кодексининг Товламачилик (168 модда) хамда Пора бериш (211 модда) каби моддалари билан айбланиб, 7 йиллик қамоқ жазосига хукм қилинган.

Айбланувчилар Арамаис Авакян хамда Дилшод Алимовларнинг ноинсоний қийноқларга солингани, терговнинг жиноий просессуал коидаларга мутлақо зид равишда олиб борилгани хақидаги хабарларни ОАВга сиздиришга хисса қўшган, химоясидаги фермер ва унинг шериги манфаатларини суд мажлисларида мохирона химоя қилаётган адвокат

Олим Қобиловнинг касбий фаолиятига, Жиззах вилояти МХХ шу тариқа нуқта қўйди.

Улуғбек Ашур
Eltuz.com

Тағин ўқинг
11 июн 2018
Ўзбекистоннинг марҳум президенти қизи Гулнора Каримовага тегишли бўлган, Швейцария банкларида музлатилган 800 миллион АҚШ долларидан ортиқ маблағнинг бир қисмини ...
6 март 2019
“Миллий тарих” моҳиятан конструкт эканлиги ҳақида кўп гаплашганмиз. Бугунги ўзбек миллий тарихи ўтган асрнинг 20–40-йилларида Якубовский ва бошқа олимлар ...
7 август 2018
Тушишим билан “Нимага имиллайсан ҳайвон, курортга келдингми!?” деб елкамга, белимга беш-олти марта резина тўқмоқ билан аямасдан уришади, “дело” бўйича ...
21 декабр 2017
18 декабрь куни Open Source Investigations (OSI) гуруҳи Ўзбекистон МХХ раиси Рустам Иноятов оиласига тегишли кўчмас мулкларга оид мақолани ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...