Кундалик
4 январ 2016

Ўликнинг табриги

Қудрат Бобожон
Eltuz.com

Элтуз манбаларига кўра жанозада ортиқча гап сўз бўлмаслигини МХХ зобитлари махсус назорат қилган.

Ўз ТВ диктори Абдумўмин Ўтбосаров 31 декабрь куни эфирда президент табригини ўқиб эшиттирди. Ëзиб олинган бу табрик эфирга кетаëтганида Абдумўмин Ўтбосаров аллақачон ўлиб бўлган эди.

Ўтбосаров кенг қамровли инфаркт оқибатида оламдан ўтгани айтилади. Элтуз манбаларига кўра, Ўтбосаров президент табригини 30 декабрь куни ўқиган.

31 декабрга келиб эса президент девонидан табрикнинг тахрир қилинган варианти тушган.

Ўтбосаров бу вариантни ўқиш асносида МТРК директори билан низога киришган. МТРК директори Ўтбосаровни изнсиз уйга кетиб қолганликда айблаб тергаган. МТРК раиси кабинетидан чиққан диктор ўзини ëмон ҳис қилган. Ўз ТВ биносидаги ҳамшира унга укол қилган. Бу кор қилмагач, Ўз ТВ биносига тез ëрдам чақирилган. Абдумўмин Ўтбосаров 31 декабрь куни тахминан кундузги соат 11 ларда касалхонага олиб келинган ва ўша ерда жон берган.

Ўтбосаров жон бергани хабари Ўз ТВга етгач раҳбарият зудлик билан табрикни бошқа дикторга қайта ўқиттирган.

Элтуз манбаларига кўра, табрикнинг иккинчи дублини диктор Алишер Бадалов ўқиган. Аммо раҳбарият Бадалов ижросидан қониқмган ва марҳум сухандон ўқиган табрик эфирга кетган.

Бор гап шу. “Ўликнинг табриги” деган жумлани илк бора 1999 йили мен Бош мухаррир бўлган Урганчдаги Эй Эл Си телекомпанияси ходими Нигора Абдуллаевадан эшитувдим. Реклама ишларига бош қош бўлган Нигора ўша куни оламдан ўтган маҳаллий депутат ўлими ҳақидаги хабарни эфир сеткасига жойлаштирар экан “Ўликнинг табриги” деган жумлани ишлатди. Зотан эфир сеткасидаги “Табриклар” деган жойга илк бор таъзия эълони қўйилаëтган эди.

Тағин ўқинг
29 декабр 2016
Кечаëтган 2016 йил Ўзбекистон тарихига 27 йил умр сурган мустабид Каримовдан қутулиш йили бўлиб кирди. Лекин воқеалар занжирига қарасак, ...
22 июн 2016
Рассом Туз ва Элсеварлар қаторига Кирпи тахаллуси билан ижод қиладиган ëш рассом ҳам қўшилди. Шу кунларда Тошкентда истиқомат қиладиган ...
12 июл 2016
Пенсионерларнинг пенсия пули уларнинг розилиги олинмасдан 100 фоиз пластик карточкага ўтказиб қўйилганлиги кексаларга қийинчилик туғдирмоқда. Улар зарур эҳтиёжларини қондириш ...
10 сентябр 2017
9 сентябрь куни ХРВ вакиллари Хью Уилямсон (Hugh Williamson) ва Стив Свердлов (Steve Swerdlov) Хоразм вилоятига бориб, ўтган йили ...
Блоглар
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
16 май 2019
Ҳақиқатга қайси томонидан қарасанг ҳам бир хил кўринади, дейишади. Маҳмуд Ражаб -шоир, ёзувчи, шу миллатнинг ...