Кундалик
6 январ 2016

“Айбга иқрор бўлгандан кўра, яхшиси ўлгин!”

Арамайс Авакян ва унинг дўстлари устидан суд бугун соат 11 да, кутилмаганда бошланди.

Судланувчиларнинг яқинлари суд бошланиши ҳақида тасодифан билишган.

Канадада яшовчи журналист Улуғбек Ашуровнинг олган маълумотларига кўра, маҳкумларнинг яқинларини дастлаб суд залига киргазишмаган. Улар акс ҳолда судни қамал қилишларини билдиришганидан сўнггина уларни залга қўйишган.

“Эрим анча гавдалик эди. Шу даражада абгор ҳолга солинганки, уни кўрганимда таниёлмай қолдим, ҳатто унинг олдида кичкина бўлиб кўринадиган йигитлар ҳам эндиликда ундан жуссалироқ кўринишмоқди”, – дейди Ширин Турсунова, судланувчи Арамайснинг турмуш ўртоғи.

Суд маҳкумларни таништириш билан якунланган. Ширин Турсунова, маҳкумларнинг айби йўқлигини, суд ҳакамлари ва терговчилар уларнинг кўзига қарай олишмаганини айтади.

“Уларнинг қўлида ўзлари турмадан уюштирган СМСдан, менга тегишли “Намозни ўрганамиз” деган китобчадан бошқа далил йўқ”, дейди Ширин.

Эслатиб ўтамиз, Eltuz илгари хабар берганидек, Арамаис Авакян ва унинг 4 нафар ўртоғига “Ўзбекистон Республикасининг конституциявий тузумига тажовуз қилиш” (Ўзб.ЖК 159 модда) ва “Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш” (Ўзб.ЖК 2442 модда) каби моддалар бўйича айблов эълон қилинган.

Воқеаларни кузатаётган, Канадада яшовчи курналист Улуғбек Ашуров, ўз манбаларидан иқтибос келтириб, бугун маҳкумларни суд залидан олиб чиқишаётганида, Арамайснинг онаси Флора Сакунс ўғлининг ортидан арман тилида “Айбга иқрор бўлгандан кўра, яхшиси ўлгин!”, дея қичқирганини айтади.

Суд мажлиси душанба кунига қолдирилган.

Eltuz.com

Тағин ўқинг
18 ноябр 2015
Обид қорига суиқасд қилган Жуковский буйруқни Тошкентдан олгани ҳақидаги айблов хулосасини Швеция прокуратураси терговчиси Кристер Петерссон 17 ноябр куни ...
15 октябр 2018
Хоразмлик таниқли хонанда Азиза Ниёзметова 14 октябрь куни 46 ёшида оламдан ўтди. Бир йил аввал саратон касалига чалинган хонанда ...
5 ноябр 2019
“– Эээ, Фозилбек, узр, умуман танимабман-а, – дедим ва елкасига қоқиб қўйдим. Шу пайт Фозил бирданига инграб юборди. – Нима бўлди, Фозилбек? Яра бормиди елкангизда?  ...
13 июн 2017
Давлат идоралари корпоратив базмларида хонандалар хизматидан бепул фойдаланилиши ҳақидаги Ўзбекистон халқ артисти Озодбек Назарбеков шикояти турли бахсларга сабаб бўлди. ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...