Операция учун пул олган шифокор қўлга тушди

«Адолат» газетаси пичоқдан жароҳат олган фуқарони операция қилган шифокор беморнинг яқинларидан пул олгани учун жиноий жавобгарликка тортилгани ҳақида ёзди.

Маълум бўлишича, шифохонанинг шошилинч тиббий ёрдам бўлими жарроҳи беморнинг яқинларидан аввал 50 минг сўм пул олган. Кейин эса бу жуда кам эканлигини айтиб, яна 100 минг сўм беришни талаб қилган.

Беморнинг яқинлари бу таъмагирлик юзасидан прокуратурага мурожаат этгач, жарроҳ пора олаётган пайтида қўлга олинган.

Ўзбекистонда ҳозир барча шифохоналарда «қўл учи» берилмасдан иш битмаслигини ҳисобга олганда, агар врачу ҳамшираларнинг ҳаммасини жазолайверишса, эртага беморларга қарайдиган ҳеч ким қолмайди-ку, деган хавотир келади кўнгилга.

Eltuz.com