Жанжали боис учоқдан туширилган ўзбек аëли Истанбул аэропортида “томоша” кўрсатди

Истанбул-Тошкент йўналишидаги учоқ ичида жанжал чиқаргани сабабли кема сардори тарафидан самолетдан туширилган Маъмура М, исмли Ўзбекистон фуқароси бўлган аëл Ота-Турк халқаро аэропорти биносида “асабий томоша” кўрсатиб маҳаллий газеталарга “юлдуз” бўлди.

Истанбул аэропортидаги ўзбек йўлчиларидан бирининг Eltuz.comга айтишича “аëл оëқ кийимларини ечиб ташлаб, бир кулиб, бир бақириб асабий рақсга туша бошлаган.

«Менга ишлашга изн беришмади, кетишимга ҳам рухсат йўқ», «Уч фарзандим бор! Уларни соғиндим» дея бақирган хотин йўлак бўйлаб ирғишлаб югура бошлаганида полиция тарафидан олиб кетилган.

Истанбул аэропортидаги ўзбек йўлчиси воқеа тасвирларини бизга жўнатди.

Турк матбуотининг ëзишича аëлни исми Маъмура бўлган ва у ўзини ўлдириш иддаосидан кейин полиция тарафидан қўлга олинган.

Eltuz.com