Кундалик
5 май 2016

Туркиялик чол ва кампирни ўлдирган ўзбек эр-хотинга умрбод қамоқ жазоси берилди

Туркияда ўзбекистонлик эр-хотин туркиялик таниқли яҳудий тадбиркор Жак Карако ва унинг рафиқаси Жоржия Каракони ўлдирганликда айбланиб, 2014 йили ҳибсга олинган 30 ёшли Фарҳоджон Юсупов ва унинг 28 ёшли турмуш ўртоғи Гулбаҳор Юсуповалар устидан ўтган маҳкама уларга умрбод қамоқ жазосини белгилади.

Тарафларнинг адвокатлари иштирокида суд ҳаками “камида 26 йил қамоқда ўтириш шарти билан умрбод ҳибс жазоси” белгилади.

Тадбиркор оиласида фаррош бўлиб ишлаган Фарҳоджон Юсупов айбини бўйнига олган.

rasm1330
Фарҳоджон Юсупов чолу кампирни ўлдираётганида ўзининг қўлини ҳам жароҳатлаган. 2014 йил, қотилликдан сўнг олинган расм.

Унинг хотини Гулбаҳор Юсупова эса “Қотиллик пайтида мен телевизор кўраëтган эдим” дея айбни ўзидан соқит қилиб эрига юклашга уринган.

Қотилликда айбланган Юсупов маҳкама залига келганда оғзида уч дона лезвия яшириб олиб киргани маълум бўлди. Жандарма қўмитани Ҳусайн Қорақоя маҳкум оғзида лезвия борлигини пайқаб қолган.

Маҳкум, маҳкама олдида оғзидан иккита лезвияни чиқариб олиб, бошқаси йўқ деб туриб олган.

Қўмитан атралашувидан кейин Юсупов ўз оғзига яширган учинчи лезвияи чиқарган.

Фарҳоджон Юсупов лезвияни ўз жонига қасд қилиш ëки бошқаларга тажовуз қилиш мақсадида сақлаганми деган саволнинг жавоби йўқ.

Судда икки йил кўрилган жиноят

77 ёшли таниқли туркиялик тадбиркор Жак Карако ва унинг 69 ёшли рафиқаси Жоржиянинг пичоқланган жасади 2014 йили Истанбулнинг Ўрта кўй мавзеидаги уйидан топилган эди.

Орадан бир кун ўтиб Истанбулнинг Фотиҳ мавзесидаги квартирани кирага олиб яшаб келган ўзбекистонлик эр-хотин ҳибсга олинди.

Турк матбуотининг ёзишича, бу жуфтлик сўнгги икки ойлик маошини сўраганида, турк тадбиркори унинг уйига етказилган зарарни ундириш мақсадида маошни ушлаб қолишини айтган. Шундан сўнг эр-хотин ошхонадаги гўшт чопадиган пичоқ билан тадбиркор ва унинг хотинини ётоқхонасида чопиб ташлашган.

Туркия маҳкамасида ўзбекистонлик эр-хотин мудҳиш қотиллиги далил исботлар билан тасдиқланди.

rasm1331
Гулбаҳор Юсупова эса шу пайтгача жиноятга алоқадор эканини яшириб келаётган эди

Истанбулнинг Молтепа қамоқхонасида қолаëтган Фарҳод Юсупов ҳамда Гулбаҳор Юсупова тергов пайтида қотилликни бўйнига олгани ҳам турк матуботида эълон қилинган эди.
Бундан ташқари, тадбиркор уйидаги видеокамера ўзбекистонлик эр-хотин тадбиркорнинг уйидан қимматбаҳо нарсалар солинган 7 та сумкани олиб чиқиб кетаётганини ҳам қайд этган.

Аммо, айни пайтда турк матбуотида жиноятни Фарҳод Юсуповнинг ўзи содир этгани, унинг ўзи чол ва кампирни ўлдирганини эътироф қилгани ҳақида ёзган эди.
Суд маълумотига кўра, Фарҳод Юсупов чол-кампирни юқори қаватдаги ëтоқхонага чиқиб ухлашга ëтганида, уларни ëтоғида сўйиб ташлаган.

Кейин пастга тушиб ухлагани ëтган ва эрталаб ошхонада газни ëқиб, уйда портлаш ҳосил қилиб, пичоқни эса денгизга отиб, Қумқопидаги меҳмонхоналардан бирига яширинган.
Чол-кампирнинг ваҳшиёна тарзда ўлдирилганидан эса улардан хабар олгани келган ўғли воқиф бўлган ва полицияни чақирган. Ўзбекистонга қочиш пайида бўлган икки ўзбек ўша куннинг ўзида қамоққа олинган.

Ўзбекистондан бориб, Туркиядаги тадбиркорнинг уйида хизматкорлик қилган Фарҳод Юсупов ва унинг хотини Гулбаҳор Юсуповалар айни пайтда қотиллик, ўғирлик ва талончиликда айбли деб топилди.

Марҳум тадбиркор Жак Карако Туркиядаги машҳур Oren Bayan бренди асосчисидир. Бу нафақат Туркия, балки Осиё давлатларида номи чиққан ип-калава ишлаб чиқарувчи йирик ширкатлардан биридир.

Eltuz.com

Тағин ўқинг
5 сентябр 2016
Ўзбекистонда қатағон йилларининг қораловчиларидан бири бўлгани иддао қилинадиган 54 ёшли Ниғматулла Йўлдошев шахси ҳақида матбуотда жуда кам эшитганмиз. Ниғматилла ...
21 июн 2017
Туркия президентининг тансоқчилари бошқармасида ишлайдиган 24 яшар Рамазон Ўзчелик (Ramazan Özçelik)нинг бошидан ўқ узилган жасади Ўзбекистон ватандоши Фарида Байрамованинг ...
17 март 2016
Хусусан, “Ўзбекистон овози” газетаси азалдан қишлоқ ва маҳаллаларда шаклланган ҳашар эндиликда мамлакат миқёсига чиққани, бўлиб ўтган ҳашарда 18 миллиондан ...
23 январ 2017
«Кеча Мирзиёев. Ш.М кетиши билан 3 кундан бери ўчмай турган чироқлар бошлади ўчишни» дея ёзди тўрткўллик шифокор Алимардон Султонов. ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...