Домлалар пора олмаслик ҳақида прокурорга кафолат хати ёзиб берди

Ўзбекистон Бош прокуратураси ходимлари ҳамда Тошкент шаҳрида жойлашган олий ўқув юртлари ўқитувчи-домлалари ўртасидаги учрашувда прокуратура ходимлари ўқитувчиларнинг пора олиб қўлга тушгани ва бунинг оқибатида жиноят иши қўзғатилгани юзасидан бир қанча аниқ мисоллар келтирган.

Бундан ташқари, Бош прокуратурага шу масала юзасидан талабаларнинг ўзлари ёки уларнинг ота-оналари томонидан шикоятлар келиб тушгани таъкидланган. Илгари талабалар бу ҳақда аноним тарзда хабар бераётган бўлса, ҳозирда улар шикоятни очиқ беряпти.

Энг қизиғи, суҳбат якунида педагоглар талабалардан пора олмаслик ҳақида кафолат хати ёзиб берган.

Бугун Ўзбекистон таълим тизими бутунлай коррупция ботқоғига ботгани кўпчиликка сир эмас. Буни прокуратуранинг кулгили кафолат хати ёздириб олгани тўғрисидаги юқоридаги хабар ҳам тасдиқлайди.

Аммо кафолат хати ёзиб берган домлаларнинг яна пора олмаслигига кафолат бормикин? Ҳар ҳолда коррупция майдонини сув ҳавзаси десак, сувга тушиб қуруқ чиқиш мумкин эканми?

Eltuz.com