Дайжест
23 май 2016

Биржада арзон, бироқ бунинг бозорга даҳли йўқ

Ҳаво исиши билан сиқилган газнинг биржадаги нархи арзонлади, бироқ бу нархларнинг ахолига даҳли йўқ. Сўнгги ойларда биржа бозорида сиқилган газнинг ўртача баҳоси 26 фоиз тушди. Бир тонна сиқилган газнинг баҳоси 1,6 миллион сўмни ташкил этди.

Бу ҳақда хабар берган “Правда востока” газетасининг ёзишича, йил бошида сиқилган газ нархи 2-2,2 миллион сўм бўлган. Бунга сабаб январь ва февраль ойларида биржа савдосига чиқарилган сиқилган газ ҳажми кам бўлганидир.

Ўзбекистонда сиқилган газнинг асосий ишлаб чиқарувчиси бўлган Муборак газни қайта ишлаш заводининг умумий савдо ҳажмидаги улуши ўтган йилнинг шу даврига нисбатан 33 фоиздан 28,5 фоизга тушган. Яна икки ишлаб чиқарувчи эса савдога чиқарилган маҳсулот ҳажмини 5 фоиз оширган.

Кўриниб турибдики, Ўзбекистонда сиқилган газ нархи сезиларли тушган. Аммо асосий истеъмолчилардан бўлган оддий аҳоли буни ҳис қилмаяпти. Чунки улар учун нархлар тушгани йўқ. Бу эса Ўзбекитонда бозор иқтисодиёти тизими ишламаётганидан дарак беради.

Худди шу ҳолатни шакар мисолида ҳам кўриш мумкин. Айни пайтда Ўзбекистонда банкаларга компот ва мураббо ёпиш мавсуми бошланди.

“Правда востока”нинг билдиришича, Давлат монополия қўмитаси мавсумда шакар етишмовчилигининг олдини олишга доир чора-тадбирлар кўрмоқда. Хусусан, мамлакатдаги асосий ишлаб чиқарувчилар – “Хоразм шакар” ва “Ангрен шакар” корхоналари маҳсулот ҳажмини оширяпти.

Январдан апрель ойигача бу корхоналар маҳсулот ишлаб чиқариш ҳажмини ўтган йилнинг шу даврига нисбатан 118,6 фоизга оширган.

Шунга қарамай, бу чора-тадбирлар иш бермаётган кўринади. Чунки яқиндагина бозорларда Ангрен шакари 2800 сўмдан, Хоразм шакари 3200 сўмдан сотилаётганди. Монополия қўмитасининг “чора-тадбирлари” натижаси бўлса керак, бугунги кунда Ангрен шакарининг улгуржи бозордаги нархи 3200 сўмга, Хоразм шакариники эса 3500 сўмга чиқди. Чакана савдода нархлар бундан ҳам кўпроққа қимматлади.

Балки монополия қўмитаси “чора-тадбир” кўрмаганида бозорда шакар нархи кўтарилмасмиди, деган истиҳолага боради киши.

Eltuz.com

Тағин ўқинг
24 декабр 2018
Бош вазир Абдулла Арипов 23 декабрь куни Хотин-қизлар қўмитаси йиғилишида Тошкентдаги барча эски уйлар бузилиб, ўрнига янгилари қурилиши ҳақида ...
21 декабр 2018
Қалин курткалар, қулоқчинлар кийиб, смартфон ёруғида турган бу одамлар – Наманган мусиқали драма актёрлари. “Элтуз”га ушбу суратни жўнатган мухлисга ...
25 декабр 2018
Украина ҳукумати 2014 йили муомалага киритган тангада Қрим яриморолининг шарқий қисмида XIII асрда Ўзбекхон томонидан қурилган масжид ва мадраса ...
21 март 2018
Ўзбекистон президенти Мирзиёевнинг товуқларни нега севиши 20 март куни Самарқанд вилоятининг Оқдарё туманига борганида аниқ бўлди. Президент матбуот хизмати ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...