Кўзқараш
30 май 2016

Бош вазирнинг йўлини тўсган милиционер

Фарғона шаҳрида ўтган “Универсиада” спорт мусобақаларининг энг қизиқ воқеаси албатта, ёшгина милиционернинг мамлакат бош вазири Шавкат Мирзиёевнинг йўлини тўсгани бўлди.

Фарғонадаги Олимпия заҳиралари коллежида мусобақаларнинг гандбол, дзюдо, бокс, эркин кураш, юнон-рум кураши каби турлари ўтказилди.

Хавфсизлик чоралари қаттиқ кўрилганлиги боис, мусобақаларга кириш учун ички ишлар вазирлиги томонидан берилган рухсатномалар яъни бейжиклар билан бирга паспорт ҳам талаб этилди.

Милиционерларга ким келса ҳам паспорт ва бейжигини яхшилаб текшириб, сумкасини кўриб, кейин ўтказиш ҳақида қаттиқ буйруқ берилганлиги боис, улар ҳам ўз ишларини “сидқидилдан” адо этишаётган маҳал бир гала шотирлари қуршовида бош вазир кириб кела бошлади.

Милиционер ўз бошлиғидан мақтов эшитиш учун у кишини ҳам йўлини шарт тўсиб “қани рухсатномангиз ва паспортингиз” дея саволга тутди.

Вилоят ҳокими, прокурори, вазирлар ҳам “тахта” бўлиб қолишди. Милиционернинг бошлиғи уни нарироққа олиб кетди.

Яхшилаб ўйлаб қаралса, ёш милиционерда ҳам айб йўқ. У бечора буйруқни бажарди холос. Ундан ташқари Шавкат Мирзиёев халқнинг олдига чиқиб, телевизорда кўриниб, газета-журналлар муқовасини безаб турса эканки, уни ёшу қари бирдек таниса.

Бош вазир ҳеч қачон телевизорда чиқмайди, расми бирор газета ё журналда босилмайди. Шундай бўлгач, халқ уни қаердан танисин. Халқ телевизорга чиқадиган радиода овози кунда кунора эшитилиб турадиган артистни танийди-да. Милиционер бечора ўша халқнинг бир вакили холос.

Мен бу воқеага тасодифан гувоҳ бўлдим. Ҳозир роса милиционерга ачиняпман. Бечора буйруқни ҳалолу пок, бекаму кўст бажараман деб ишсиз қолдиёв.

Насима Даврон қизи
Eltuz.com

Тағин ўқинг
31 март 2018
Олий Мажлис Сенати 29 март куни “Ўзбекистон Республикаси Давлат хавфсизлик хизмати (ДХХ) тўғрисида”ги қонунни тасдиқлади. Мазкур қонунга кўра, ДХХга ...
26 сентябр 2015
Ўзбекистон Меҳнат вазирлиги ва Касаба уюшмалари федерацияси тарқатган, “Пахта – ризқ-рўзимиз!” сарлавҳали варақада жумладан қуйидаги сўзлар ёзилган. Пахта йиғим ...
12 июл 2017
Ижтимоий тармоқда Шавкат Мирзиёевнинг “Ёшлар” телеканалини танқид қилиб “Ёшларнинг ҳиди ҳам йўқ у ерда!” деган гапларидан кейинги ёшларнинг чиқишлари ...
20 июн 2019
Бу санада Ўзбекистонда ҳақиқий маънода мустақил куни нишонланиши керак, чунки бундан 29 йил бурун, 1990 йили республика парламенти Мустақиллик ...
Блоглар
23 август 2019
Мамлакат турғунларининг бузилаётган уйлари учун бозор нархида товон талаб қилиши очкўзлик экан. Президент самолёти учун ...
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...