Кундалик
20 июн 2016

Масжид имоми ўғил болани зўрлаганликда гумон қилинмоқда

Қирғиз матбуотининг билдиришича, 18 июн куни милицияга мурожаат қилган жалолободлик аёл, қишлоқ масжиди имомининг ўз ўғлини зўрлагани ҳақида ариза ёзган.

Гумонланувчи шу муносабат билан ушланган, унга нисбатан тегишли экспертлар тайинланган.

Озодлик радиосининг қирғиз хизматига кўра, «Оилага қўшни бўлган имом, болага ҳар сафар 50 сўмдан бериб, икки ой давомида уни зўрлаб келган», Тиббиёт экспертизаси жинсий зўрлаш фактини тасдиқлаган, гумонланувчи ҳам ўз айбига иқрор бўлган.

Гумонланувчининг оилалик, илгари судланмагани маълум. Ушланган шахсга нисбатан жиноий иш қўзғатилган. Бироқ бу, фосиқ муллалар қилмишига оид илк янгилик эмас.

Шу йил апрел ойининг охирларида Туркияда ҳам иккита мактаб ўқувчисини зўрлаган имомнинг қўлга олингани, тинтув пайти масжидда жуда кўп миқдорда ҳомиладорликка қарши таблеткалар топилгани ҳақида хабарлар босилганди.

Бундан илгари эса Жалолободга қўшни Ўш вилоятидаги Қирғиз-турк мадрасаси тарбиячиси 9 яшар ўғил болага нисбатан жинсий тажовузда айбланиб хибсга олинганди.

Узоқ чўзилган маҳкама аввалига педофил мадраса муаллимини руҳий касалга чиқарган, кейинчалик эса вилоят суди материални қайта суриштирувга жўнатган, мазкур инстанция маҳкаманинг сўнгги қарорини кучда қолдирган эди.

Маҳкама ўз йўлига, бироқ қўли остида 50 тарбияланувчи бўлган педофил мулланинг фосиқлиги ўшанда 9 яшар ўғил боланинг бир умр ногирон бўлишига олиб келган эди.

Шунингдек, ғарб матбуоти, руҳонийлар орасида никоҳсизлик аҳдини қабул қилиш кенг одат бўлган католик черкови томонидан ҳам вояга етмаган ўғил болаларга нисбатан кўплаб жинсий тажовузлар бўлиб келаётгани ҳақида ёзади.

2014 йилнинг апрелида, жумладан бугунги Рим папаси Франциск руҳоний-педофиллар томонидан черковга етказилган зарар учун кечирим сўраб чиқиш қилган эди.

Eltuz.com

Тағин ўқинг
18 декабр 2019
Навбатдаги карикатурада депутатликка номзодлар ва сайловчилар ўртасидаги муносабат қиш муаммоси орқали акс эттирилган. 22 декабрда Ўзбекистон Олий Мажлиси Қонунчилик ...
7 июн 2019
Бу кун Англия фуқаролик жамияти томонидан монархия зўравонликларини чеклаш йўлида туб бурилиш ясалган санадир. 1628 йилнинг 7 июнида инглиз ...
1 январ 2020
Ўзбек ҳукуматининг Россия қарамлигига интилиши фонида мамлакатда газ тақчиллиги 2019 йили ҳам давом этди. Россиянинг «Лукойл» компаниясидан Ўзбекистоннинг 600 ...
5 апрел 2019
Сизга омад тилайман, азизим. Оддийгина омад. Кўчада кетяпсиз, сизни машина босиб кетмади. Тасодифан ўрмонда мурдани кўриб қолиб, полицияга хабар ...
Блоглар
9 январ 2020
Евро-Осиё Иқтисодий Иттифоқига кириш-кирмаслик масаласи бўйича Ўзбекистонда бошланган қизғин муҳокамалардан четда тура олмаяпман. Виждоним йўл ...
6 январ 2020
АОКА блогер ва журналистларни сотиб олиши эмас, ҳуқуқий қўллаб-қувватлаши зарур. Унинг баёнотлари жуда кулгили. Ваколатлари ...
23 декабр 2019
Шарқий тақвим бўйича 2020 йил рамзи каламушдир. Каламуш йили шарқий тақвимнинг янги 12 йиллик циклини ...