Дайжест
30 июн 2016

Ўзбекистон «жаҳоннинг обрўли йўлчи юлдузи»ми?

Шанхай ҳамкорлик ташкилотининг саммити даврида таҳлиллар, қарашлар борасида сукут сақлаб, гўнг бўлиб ўтирган Ўзбекистон матбуоти ниҳоят турли арбоблару шарҳловчиларнинг бу машваратга муносабатларини эълон қила бошлади.

Хусусан, «Миллий тикланиш» газетаси «ХХР раисининг Ўзбекистонга давлат ташрифи билан бўлиши ҳамда ШҲТнинг Тошкент саммити ҳамда мазкур ташриф ва саммит доирасида ўтган кўплаб юксак даражадаги тадбирлар Ўзбекистоннинг халқаро майдондаги обрў ва нуфузи нақадар юксалаётганидан ёрқин далолат экани»ни билдирди.

Аслида ШҲТ саммитлари ҳар йили аъзо давлатларнинг бирида бўлиб ўтади. Демак, бу саммитни ўтказиш дунё миқёсидаги қандайдир нуфуз ёки обрўни англатмайди. Лекин ура-урага ўрганган ўзбек матбуоти учун бунинг қизиғи йўқ. Мадҳ учун баҳона топилса бўлди. Топилмаса, керак бўлса баҳона ҳам яратилади.

Хуллас, газета саммитга муносабат баҳона тарихий чекиниш ҳам қилади.

«Президентимиз таъкидлаганидек, Ўзбекистон собиқ тузумнинг асорати туфайли мустақилликка эришган илк йилларда бир томонлама шаклланган, фақат пахта хомашёсини етиштиришга таяниб қолган иқтисодиётга эга эди, – дейди газета. – Пахта етиштириш, олтин ва нодир металларни қазиб олиш бўйича собиқ Иттифоқда энг юқори ўринларда бўлишига қарамасдан, уларнинг қиймати, қаерга сотилаётганлиги, олинаётган фойда ҳақида умуман маълумот бўлмаган».

Бу сўзларни ўз кетини ўзи очиш, деса бўлади назаримизда. Чунки олтин ва пахтадан қанча фойда олинаётгани, уларни ким сотаётгани ҳақида мустақилликка эришган Ўзбекистон раҳбарияти ҳам халқига ҳеч нарса айтаётгани йўқ-ку. Фақат Ўзбекистоннинг қанчадир тонна олтини ортилган самолёт Москвада қўлга тушганию, эгаси топилмагани учун мусодара қилингани тўғрисидаги миш-мишларни эшитиб қоламиз, холос.

Газета Ўзбекистоннинг «ҳуқуқий давлат, демократик жамият, эркин ва фаровон ҳаёт қуриш… йўлида эришилган ютуқларига бугун бутун дунё ҳавас қилаётгани»ни таъкидлайди.
Бу сўзларни ўқиб, дунё учун йўлчи юлдуз бўлиб кет-эй, Ўзбекистон, деб юборади ўқувчи.

Eltuz.com

Тағин ўқинг
27 июн 2017
«Яна отаси бой иккичиларнинг омади кулди», дейди рассом Туз бакалавриат ва магистратура босқичига қабулнинг 20 июн куни чиқарилган янги ...
29 март 2018
Россиянинг Кемеровосидаги “Қиш олчаси” (Зимняя Вишня) савдо-истироҳат марказида юз берган фожеа Қозоғистоннинг Оқтўбасида автобусда 52 нафар ўзбек тиклайин ёниб ...
27 феврал 2017
Ҳокимиятни оилавий бошқариш минтақада урфга айландими? 21 феврал куни, Озарбайжон президенти Илҳом Алиевнинг хотини Меҳрибон ўз эрига биринчи вице-президент ...
10 январ 2016
Улуғбек Ашур Eltuz.com 6 январ куни Жиззах шаҳридаги “Умид А” фермер хўжалиги рахбари Алижон Камолов ўзини аввалига милиция ходими ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...