Асосий мавзулар
20 июл 2016

Кўсак қурти теримидан сўнг «чеканка»…

Одатдагидек, бу ишга, яъни ғўза ниҳолларини чеканка қилиш ишларига ҳам бюджет ташкилотлари ходимлари – боғча опалар, ўқитувчилар, шифокор ва ҳамширалар жалб этилмоқда. Улар бундан илгари eltuz.com хабар берганидек ўн кун давомида кўсак қурти териш билан шуғулланишган эди.

Чеканка ҳам кўсак қурти терими каби оғир ва педагогика ёки тиббиёт соҳасидан мутлақо йироқ, ўқитувчи ва шифокорларга қўшимча даромад келтирмайдиган мажбурий меҳнат тури ҳисобланади.

«Туманимизнинг Марказий Фарғона чўлларида ерлари бор, ўқитувчилар ўша ерда 10 кун ётоқ шароитида кўсак қуртини теришди»,- дейди eltuz.com мухбирига яқин манба.

«Навбатдаги гуруҳ яна 10 кунлик ётоққа жўнатилди» – дейди суҳбатдош. Гуруҳдаги чеканкачиларнинг барчаси ҳам олий маълумотли ўқитувчилар эмас, уларнинг орасида мактабда фаррош, қоровул, боғбон, лаборант бўлиб ишлайдиган ходимлар ҳам бор.

Учкўприк, Бағдод, Бувайда туманлари Халқ таълими бўлими мудирлари билан телефон орқали боғланган Eltuz.com мухбири, айнан ўқитувчиларнинг кўсак қурти териш ва чеканкага жалб қилиш масалалари билан қизиқди.

Аммо улардан ижобий жавоб ололмади. Улар туман ҳокимларининг “илтимосини” бажараётганликлари, ўқитувчилар бугунги кунда меҳнат таътилида эканликлари, улар ҳеч қаерга жўнатилмаганлиги ҳақида ёлғон ахборотларни тақдим этишди.

Аслида, биргина Учкўприк туманидаги 18-умумтаълим мактаби ўқитувчилари меҳнат таътилидан мажбурий равишда чақириб олинганликлари ва кўсак қуртидан кейин чеканкага дея яна далага жўнатилаётганликлари учун норозилик билдиришгани маълум.

Бувайда туманидаги мактаб ўқитувчилари эса туманнинг Қозоқовул деган чўл ҳудудида чеканкани бошлаб юборишган, олдинда уларни пахта терими кутаяпти.

Насима Даврон қизи
Eltuz.com

Тағин ўқинг
1 декабр 2017
Президент Шавкат Мирзиёев 30 ноябрь куни қийноқ ва ноқонуний йўллар билан олинган маълумотлардан далил сифатида фойдаланишни тақиқловчи фармонни имзолади. ...
23 ноябр 2017
1 ноябрдан бошлаб пойтахт бозорларида аҳолининг бирламчи эҳтиёжлари учун зарур бўлган айрим турдаги маҳсулотларнинг энг юқори нархлари ўрнатилди. Тошкент ...
17 апрел 2018
Ўзбекистон президентининг диний-маърифий соҳа фаолиятини тубдан такомиллаштириш чора-тадбирлари тўғрисидаги фармонида соҳа ривожининг устувор йўналишлари хусусида тўхталиб ўтилган. Фармондан иқтибос: ...
19 сентябр 2018
Нақадар аччиқки, большевиклар инқилобидан буён топталиб келинган ва эндигина қаддини тиклаган жафокаш ўзбек тили тағин оёқости қилинди ва бундан ...
Блоглар
18 январ 2019
Кеча ўзбек матбуоти шу йилнинг Бухоро вилоятининг Олот тумани ҳокими Шерали Саломов йиғилишда фермер Ориф ...
16 январ 2019
Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида Президент Шавкат Мирзиёевнинг Ўзбекистон ...
15 январ 2019
Ўзбекистонда Ватан ҳимоячилари куни нишонланди… бу эса болалар боғчасида олинган сурат… Нимага болаларга армия формасини ...