Кундалик
27 июл 2016

Буюк Британия ТИВ: Ўзбекистонда инсон ҳуқуқлари билан боғлиқ вазият ташвишли

Ўзбекистонда инсон ҳуқуқлари билан боғлиқ вазият сўнгги олти ой давомида ўзгаришсиз қолган, дейилади ҳисоботда.

Маҳкумларга нисбатан ғайриинсоний муносабат, дин ва фикр эркинлиги, шунингдек, катталар мажбурий меҳнати муаммолари ташвишлидир.

Ҳисоботда халқаро ташкилотларнинг мамлакатда коррупция юқори даражада экани, ҳамда Ўзбекистоннинг замонавий қуллар сони бўйича энг кўп бешта давлат қаторига киритилгани юзасидан халқаро ташкилотлар маълумотлари келтирилади.

Ҳисобот муаллифлари Ўзбекистонда инсон ҳуқуқлари бўйича оғир вазият ва хусусан, инсон ҳуқуқлари ҳимоячиларининг таъқиб этилишларини урғулаб, жумладан бунга мисоллар келтиради.

Мисол учун, Ўктам Пардаев, Инсон ҳуқуқлари ташкилотининг Жиззахдаги вакилидан ўч олиш мақсадида 2016 йилнинг январида фирибгарлик ва порахўрликда айбланиб судланади. Июн ойида инсон ҳуқуқлари ҳимоячиси Ғанихон Маматхоновнинг қамоқ муддати “жазо муассасалари маъмуриятига бўйсунмаслик” ҳукми билан тағин 3 йилга узайтирилади.

Жорий йилнинг январ ойида эса, ўзбек ҳукумати “Акромийлар” ҳаракати рахбари ва 2005 йилги Андижон қўзғолони ташкилотчиси деб атайдиган Акрам Йўлдошевнинг ўлгани маълум бўлди.

Акрам Йўлдошев сўнгги бир неча йил давомида ўз қариндошлари билан учрашиш ҳуқуқидан маҳрум, ва қамоқда мутлақо изоляцияда қолиб келаётган эди. Қамоқда унинг ўлими ҳақиқий сабаблари ҳам номаълум қолди.

Ҳисоботда, шунингдек, муайян диний ташкилот доирасида деб аталмиш “экстремистик” фаолияти учун 2016 йилнинг майида етти йилга қамалган жиззахлик фермерлар билан боғлиқ Арамайис Авакян иши ҳам таърифланади. Арамайис Авакиан ва у билан бирга судланган тўрт нафар эркаклар тергов давомида қийноқларга тутилгани очиқланади.

Аввалроқ, Британия Ташқи ишлар вазирлиги инсон ҳуқуқларининг бузилишиги оид ишларга алоқадор шахсларнинг Буюкбританияга киритилишини тақиқлаш лозимлиги ҳақида баёнот берган эди.

Eltuz.com

Тағин ўқинг
22 март 2016
Наврўз байрами муносабати билан қўшимча техника ва ҳарбийлар келтирилган Ўзбекистоннинг Қирғизистон чегарасида “сиëсий ҳарорат” туша бошлагани кузатилди. Томонлар Кербен-Ола ...
6 апрел 2017
Ўзбекистон президенти Шавкат Мирзиëев 5 апрел куни Кремлдаги Ўзбекистон-Россия расмий делегациялари учрашувида Наманганда туғилган миллиардер Алишер Усмонов билан иссиқ ...
10 феврал 2017
Президент Мирзиёев кунора ўтказаётган турли йиғилиш ва учрашувларида давлат амалдорларини аямай танқид қилмоқда. Мирзиёев 9 январ куни милиция ходимлари ...
12 декабр 2016
Самарқандда келаси йили уч йўналишда шаҳар кўчаларини боғлайдиган трамвай йўллари ишга туширилиши ҳақида хабар беради ЎзА нашри. Бироқ шу ...
Блоглар
6 апрел 2020
Карантин боис уйда ўтирган ўзбек шоири ва мухолифат лидери Муҳаммад Солиҳ эндиликда китоб ўқишга ва ...
30 март 2020
Туман марказига бориб келдим. Ишим бор эди. Қалампир ва помидор кўчатлар сотяпти экан. “Помидор кўчати ...
30 март 2020
(Эпистоляр эссе) Марҳабога Кўпинча адабий муҳитдан чарчаганимда сенга сим қоқаман. Балки опамдек яқиним бўлганинг учундир ...