Асосий мавзулар
14 октябр 2016

Демократиядан узоқдагилар Ўзбекистонда унинг экспертларига айланишди

“Халқ сўзи” газетаси (12.10) юртимизда 4 декабрь куни бўлиб ўтадиган президент сайловини кузатиш учун Марказий сайлов комиссияси ЕХҲТ, Шанхай ҳамкорлик ташкилоти, МДҲ ижроқўми, Ислом ҳамкорлик ташкилоти, Жаҳон сайлов органлари уюшмаси каби халқаро ташкилотларни таклиф этганини ёзди.

Газетанинг билдиришича, МСК таклифга биноан ЕХҲТ Демократик институтлар ва инсон ҳуқуқлари бўйича бюросининг Эҳтиёжларни баҳолаш миссияси уч кунлик ташриф билан Ўзбекистонга келган. Миссия миллий қонунчиликни, сайловолди жараёнининг умумэътироф этилган халқаро норма ва стандартларга мувофиқлигини ўрганишни мақсад қилган.

Эътиборни тортадиган жиҳат мазкур миссия таркибидир. Унинг таркиби бюронинг сайлов департаменти бошлиғи беларуслик Александр Шлик ва департамент маслаҳатчиси озарбайжонлик Ульви Ахундлудан иборат.

Айтиш керакки, бу ҳар икки вакил ҳам ўз мамлакатларидаги сайлов очиқ, ошкора ва демократик тамойиллар асосида ўтиши билан мақтана олмайди. Шунинг учун улар Ўзбекистондаги сайлов билан боғлиқ жараённи қандай баҳолар экан, деган хавотир келади кўнгилга.

Озарбайжон ва Беларусдаги сайловлар демократик ўтиши уларнинг хоҳиш-иродасига боғлиқ эмаслигини эътироф этган ҳолда, Ўзбекистонга жўнатилган миссия таркибини кўриб, беихтиёр ўхшатмаса учратмас, деган ўзбекона мақол эсга тушади.

“Халқ сўзи”да эълон қилинган яна бир мақола мавзуси ҳам сайлов билан боғлиқ. Унда ЎзЛиДеП сиёсий кенгаши ижроия қўмитаси йиғилиши ҳақида гап боради.

Ёзилишича, бу йиғилишда Ўзбекистон либерал демократик партиясининг 8-съездини аввал белгиланганидек 14 октябрда эмас, 19 октябрга кўчириш ҳақида қарор қабул қилинган.

Бунга ижроқўмнинг 16 сентябрдаги йиғилишида съездда партия уставига ўзгартиш ва қўшимчалар киритиш масаласини киритишга қарор қилингани, аммо ҳозир бу юзадан жуда кўп таклифлар келгани боис уларни таҳлил қилишга қўшимча вақт талаб этилиши сабаб қилиб кўрсатилган.

Партия уставига қандай ўзгартишлар киритилиши аниқлаштирилмагани боис, улар ЎзЛиДеП вакили бўлмиш муваққат президент ва айни пайтда амалдаги бош вазирнинг бўлажак сайловдаги иштироки билан боғлиқ бўлса керак, деган тахминни илгари суриш мумкин.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
9 сентябр 2018
Тошкент шаҳрининг Юнусобод туманидаги «Омина» жоме масжиди имом-хатиби Фазлиддин Пардаев ишдан олинди. Ўзбекистон мусулмонлар идорасининг “Элтуз”да мавжуд бўлган 675-буйруғига ...
7 сентябр 2017
Футбол мураббийси Самвел Бабаян, жаҳон чемпионатига чиқиш вазифасини уддалай олмагани ортидан истеъфога кетди. Ўзбекистон Футбол Федерацияси Самвел Бабаян миллий ...
2 март 2018
Таниқли ўзбек шоири, сиёсий диссидент, “Эрк” демократик партияси лидери 69 ёшли Муҳаммад Солиҳ 1 март куни Ўзбекистон ҳокимият тизимларидаги ...
3 апрел 2017
Россия миллионлаб ўзбек муҳожирларининг иккинчи уйига айланди. Улар йиллар давомида шу мамлакатда ишлашмоқда ва яшашмоқда. Ижтимоий тармоқдаги баҳсларга кўз ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...