Кундалик
24 ноябр 2016

Ўзбек хотинини урган турк эр қамоққа олинди

Касалхонадаги аëлнинг саломатлиги ҳақидаги маълумотнома Адана прокуратураси оилавий жиноятлар бўлимига етиб боргач, эридан калтак еган ўзбек аëл шикоятини Адана прокурори ўз назоратига олди ва унинг эри ҳибс қилинди.

Туркиянинг Адана шаҳрида истиқомат қиладиган Ўзбекистон ватандоши 32 яшар Шахнозахон идишларни қўлда эмас, идиш ювадиган машинада ювгани учун эри тарафидан дўппосланган эди.

Адана полицияси матбуот котибининг айтишича калтак егани ортидан касалхонага борган аëл воқеасини текширган маҳаллий прокурор уни урган эри 51 яшар Нусрат Лимончечагини (Nusret Limonçiçeği) сўроқ қилиб қўйиб юборган эди.

Элтуз тасарруфида нусхаси мавжуд бўлган тиббий ҳулосага кўра, калтакланиш пайтида Шахнозахонинг қовурғалари синдирилган. Баданининг аксар қисми гемотомик жароҳат билан қопланган. Маълумотномада Шахнозахон юз кўзи мўматалоқ бўлиб кўзлари кўрмай қолгани ҳам таъкидланади.

Идиш ювиш жанжали

Бундан беш ой олдин Адананинг Шайбон туманида яшовчи Нусрат Лимончечаги ва унинг ўзбекистонлик хотини Шахноза. Л. ўртасида машинада ювилган идишлар юзасидан жанжал чиққан эди.

Аснода эр ўз хотинини калтаклади. Майиб бўлган хотин Адана давлат ҳастахонаси жонлантириш бўлимига олиб келинди.

Мухбирлар билан суҳбатда Шаҳноза эрга текканига икки йил бўлгани ва бу икки йил мобайнида тинимсиз калтак еганини таъкидлаган:

«Олти ой олдин калтак еганимда болам тушган эди. Еганим таëқ, кўрганим хўрлик. Нуқул бошимга муштлайди, тепади, қўлига тушган нарса билан мени уради, лекин мен шикоят қилмадим. Аҳволимни кўрган докторлар полицияга хабар берди», – дейди Шаҳноза.

Шаҳнозанинг бир умр майиб бўлиши ва кўзлари кўрмай қолишига сабаб бўлган жанжал арзимаган нарсадан чиққан:

«Уйга меҳмон келувди. Меҳмонлар кетгач идишларни машинага солиб ювганим эримга ëқмади. Нега ўзинг ювмайсан, деб уриб ташлади», – дейди Ўзбекистондан Туркияга келин бўлиб тушган Шаҳноза.

Абдужамил Дўстмуҳаммад

Eltuz.com

Тағин ўқинг
2 сентябр 2019
«Ака, мен уларни оқламоқчи эмасман, ундай ниятим ҳам йўқ. Мен уларнинг одам ажратишига ишонқирамай тургандим, холос. Агар ҳақиқатан ҳам ...
7 май 2019
«Элтуз» нашри Муҳаммад Бекжоннинг «Қўрқувнинг нариёғида» (Алвидо, Жаслиқ!) иккинчи китоби, 5-қисми аудиоверсиясини тақдим этади. 2005 йилги Андижон воқеаларидан кейин ...
11 сентябр 2019
Ибтидосида айтай, мен шоир ёки бастакор, ё-да ҳофиз эмасман. Шеърга ўхшаган бир нарсаларни ёзиб, уларга ўзимча куй басталаб, онда-сонда ...
19 август 2018
2000 йилнинг октябри охирларида Муҳаммад Бекжонни ИИВ ертўласидаги 14-камерага олиб келишади. Уни Тошкент портлашлари юзасидан судда гувоҳлик беришга «махсус ...
Блоглар
22 октябр 2021
Ўғил неварасини қўрқитиб, мунтазам зўрлаган тошкентлик амаки ҳақида видео тарқалди. Бу амаки «ножўя жинсий ҳаракат ...
18 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 36-қисм. Аудиокитоб матнини муаллифнинг ўзи ўқиган. Давоми ...
14 октябр 2021
Дастлаб большевиклар Ёш бухороликлар, жадидларнинг коммунистик партияга қўшилган аъзоларидан иборат Бухоро Халқ Совет Республикасини туздилар.  ...