Асосий мавзулар
2 декабр 2016

Zarafshon: Совуқ ҳаммани шошириб қўйди

Айрим вилоят газеталари эҳтиёткорлик билан имкон қадар дадилликка қўл ураётганга ўхшайди. Самарқандда чоп этиладиган “Зарафшон” газетасининг интернетдаги саҳифасида бу фикримизга жавоб топгандик бўлдик.

Бу газетада ўтган кунларда Ўзбекистонда ҳукм сурган совуқ ҳаво Самарқандда иссиқлик билан таъминлаш борасидаги муаммоларни яққол намойиш этгани ҳақидаги мақола эълон қилинди.

Унда ёзилишича, 24 ноябрга ўтар кечаси Самарқанд шаҳридаги кўп қаватли уйларга иссиқлик берилгач, қувурларла кўплаб носозликлар борлиги кўриниб қолган.

“Энг ёмони, Самарқанд шаҳрига иссиқлик берилган куннинг эртасига биз ана шундай носозликларни жуда кўп учратдик. Бу эса на уй-жой мулкдорлари ширкатлари ва на “Иссиқлик манбаи” давлат унитар корхонасида мавсум учун етарлича тайёргарлик кўрилганини англатади”, дейилади мақолада.

Маълум бўлишича, ҳар йили 5 ноябрда “Иссиқлик манбаи” корхонаси томонидан синаш учун қувурлардан иссиқ сув юборилган. Бунда носозликларни аниқлаб олиб, камчиликларни бартараф этиш чоралари кўрилган. Аммо жорий йилда ана шу ишлар амалга оширилмай, қаттиқ совуқ бошлангач, кутилмаганда иссиқ сув берилиб, муаммоларни келтириб чиқарган.

Муаллиф ҳар йили 15 ноябргача аҳолини иссиқлик билан таъминлаш бўйича шаҳар ҳокимининг фармойиши чиққани, лекин бу йил фармойиш ҳали ҳам йўқлигини таъкидлайди.

“Иссиқлик манбаи” давлат унитар корхонаси раҳбари Ёқуб Қурбонов корхона томонидан шаҳардаги 776 та кўп қаватли уйга иссиқлик етказилиши кераклиги, амалда эса 176 та кўп қаватли уйга иссиқлик узатилаётганини билдириб, корхонага боғлиқ бўлмаган омиллар бунга сабаб бўлаётганини баҳона қилган.

Мақолада Самарқанднинг Фарҳод шаҳарчаси ҳатто “Иссиқлик манбаи” корхонаси балансидан чиқиб ҳам кетгани, Кимёгарлар шаҳарчасида эса уйлар сўнгги марта 2007 йилда иссиқлик билан таъминлангани ошкор этилган.

Муаллиф иссиқлик билан таъминлашда шаҳарда электр энергияси таъминотида тез-тез содир бўлиб турадиган узилишлар ҳам сабаб бўлаётгани ҳақида ёзади.

Умуман, Ўзбекистон шаҳарларидаги (Тошкентдан ташқари) кўп қаватли уйларни иссиқлик билан таъминлаш масаласи кўп йиллар давомида ечилмай келаётгани, шунча “улкан муваффақиятлар, кенг кўламли ислоҳотлар, фаровон ҳаёт, мислсиз иқтисодий ўсиш”ларга қарамай, соҳа аянчли аҳволда экани кўпчиликка сир эмас.

Гарчи “Зарафшон” газетаси бу муаммонинг асл сиёсий ва иқтисодий сабабларига тўхталмаган бўлса-да, уни кўтариб чиққанининг ўзиёқ агар нашр шу йўналишдаги саъй-ҳаракатларини тўхтатмаса, халқ ўзи ахтариб ўқийдиган газетада айланишига умид уйғотади.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
24 июн 2019
Навоий вилоятининг Кармана туманида яшовчи фаол, 2-гуруҳ ногирони, 43 яшар Дилдора Боймуродова норозилик намойишига чиқиш ҳақидаги билдиргисига вилоят ҳокимлигидан ...
6 январ 2017
Миллий олимпия қўмитасининг 6 январ куни бўлиб ўтган XXX Бош Ассамблеяси йиғилишида Қўмита Вице президентлигига Салим Абдувалиев сайланди. Шунингдек ...
9 апрел 2019
Яқинда бир ҳамкасбим янги тенденция, журналистлар ўрнига роботлар келаётганидан гап очиб қолди. Бу аллақачон матбуотда қўлланилаётган амал экан. Долзарб ...
14 март 2016
“Ўзбекистон овози” газетаси ўз муштарийсининг: “Президентдек одам миллион-миллион ишидан ортиб, вақт топиб, бизнинг бола-чақамиз саломатлигини, бахтини ўйлаб, жон куйдириб ...
Блоглар
4 декабр 2019
(Муҳаммад Солиҳ ва Нуруллоҳ Муҳаммад Рауфхон суҳбатларини тинглаб) 1980 йиллар бошида раҳматли отам Мадамин Бек ...
27 ноябр 2019
Ўзбекистон Бош прокуратураси Тошкент шаҳри ҳокими Жаҳонгир Ортиқхўжаевнинг ижтимоий тармоқда тарқалгани аудиоёзувидаги ҳолатларни текшириш юзасидан ...
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...