Асосий мавзулар
4 январ 2017

Одилбой қамоқдан чиқди

Миродил Жалоловнинг маҳалласида яшайдиган журналистнинг айтишича, Жалолов 4 январ куни эрталаб суд залидан озод этилган ва кечқурун Тошкент вилоятидаги дала ҳовлисига кетган.

Суд ажримида баён қилинишича Жалоловнинг адвокати Мирзаев илтимосномасида “келтирилган важларни ўрганиб чиқиб, давлат айбловчиси Р. Рахимовнинг тайинлаган эҳтиёт чораларини ўзгартириб” илтимосномани қаноатлантиришни маъқул топган.

Миродил Жалолов, президент Каримовнинг қизи доҳил йирик молиявий жиноят ортидан қамалган эди

Жумладан суд ҳаками Ш. Иноғомов чиқарган ажримда “Судланувчи Джалолов Миродил Сабитовичга нисбатан қўлланилган қамоққа олиш тарзидаги эҳтиёт чораси ўзгартирилсин ва унга нисбатан муносиб хулқ-атворли бўлиш ҳақида тилхат эҳтиёт чораси қўлланилсин” дейилади.

Шунингдек, ҳужжатда у “дарҳол суд залида қамоқдан озод қилинсин.” дейилган. Шов шувли коррупция иши Халқ орасида Одилбой номи билан машҳур бўлган Жалолов 2010 йилнинг сентябрида қамоққа олиниб 18 йилга ҳукм қилинган эди.

“Зеромакс” ширкатининг Ўзбекистондаги фаолияти тўхтатилган ва барча ҳисоб рақамлари музлатилганди.

Миродил Жалолов қамалган йили Талант Александеров таҳаллусли шоир унинг шаънига атаб шеър ҳам ёзган эди:

Хасти Имом масжидини қурганларнинг,
Ишсиз халққа умид, нажот берганларнинг,
Газ-оловга оташ юган урганларнинг
Хизматини унутдингми, жон Ватаним?!

Миродилни дуо қилар шому саҳар,
Зангор олов ёққан овул, қишлоқ, шаҳар.
Кўзларимдан кўз ёш эмас, томди заҳар,
Хизматини унутдингми, жон Ватаним?!

Президент Каримовнинг тўнғичи Гулнорага тегишли экани айтиладиган, Швейцарияда рўйхатга олинган “Зеромакс” ширкати Ўзбекистонда нефт, газ ва олтин қазиб олиш, қишлоқ хўжалиги ва текстил саноати билан шуғулланган.

Eltuz.com

Тағин ўқинг
11 январ 2019
Қуйидаги мақолада келтирилган маълумотлар Давлат ҳавфсизлик хизмати таркибида ишлайдиган шахсдан келиб тушди. Ўзбекистон каби ёпиқ мамлакатда давлат органлари кўп ...
13 апрел 2017
Ўзбекистонда давлат тилига катта эътибор ҳақида кўп гапирилаётганига қарамай, мамлакатда ўзбек тилини мустақил ўрганиш бўйича қўлланмани топиш анқонинг уруғидек ...
1 апрел 2015
“Ижтимоий фикр” жамоатчилик фикрини ўрганиш маркази Ўзбекистон мустақиллиги арафасида мамлакат аҳолиси президент сиёсатини тўлиқ қўллаб қувватлашини билдирди, балки етар… ...
3 май 2020
Рассом Кирпи
Блоглар
12 август 2020
Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти ...
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...