Асосий мавзулар
13 январ 2017

Хокимга ëқсанг порталга ишга кирасан

Каримов ўлимидан сўнг кенг урф бўлган Виртиуал қабулхона ортидан, ҳар бир туманда Халқ қабулхоналари ташкил этила бошланди.

Халқ қабулхонасида ишлашга талабгорлардан бирининг Элтузга билдиришича, айни мансабга номзодлар олдин вилоят ҳокими Ш.Ғаниев суҳбатидан ўтиши керак.

Унга кўра, биргина Бешариқ туманидан ҳокимга 19 кишининг объективкаси тақдим қилинган.

Кейин улардан вилоят ҳокими билан суҳбатга уч кишини танланган.

“Уч киши эртаси куни яна вилоят ҳокимлигига суҳбатга бордик. Аммо бизни совуқ хонага киритиб қўйишди. Ўша ерда селектор мажлиси тугашини кутиб тунги 11,30 гача ўтирдик. Аммо ҳоким бизни ўша куни суҳбатга чақирмади. Овора бўлганимиз қолди”, дейди Элтуз манбаси.

Унинг сўзларига кўра, ҳоким икки кун аввал умумий йиғилиш ўтказган.

Ўша йиғилишда бу қабулхона шахсан Президент ташаббуси билан очилаётгани, қабулхонанинг ходими Президент аппарати ходими ҳисобланишини айтган.

“Ҳатто ойлик ҳам юқори тўланармиш”, – деди бошқа бир манба.

Унинг сўзларига кўра, шунинг учун талабгорлар ҳам кўпаймоқда. Баъзилар “чиқими” бўлса кўтаришини ҳам айтмоқда.

“Номзодлар бу ишни “ёғлиққина” деб ўйлашяпти”, – дея сўзларини давом эттирди Eltuz.com билан суҳбатлашган номзодларнинг бири.

Номзодларнинг айтишича, ҳоким билан шахсан суҳбатга уларни ҳокимлик ташкилий ишлар бўлими раҳбари тайёрламоқда.

Ўзбек фаоли Умида Ниёзованинг фикрича:

“Аҳоли шикоятлари учун яна бир бюрократик идоранинг яратилиши мантиқсизликдир. Мирзиёев виртуал қабулхонасига минглаб шикоятларнинг ёғилиши турли идораларнинг одамлар муаммоларини ҳал қилишдан ожизлигини кўрсатди.

Прокуратура, солиқ назорати, суд ва бошқа идоралар одамларга ёрдам бериш учун эмас, шахсий бойлик орттириш учунгина ишлайди. Яна бир шундай тизилманинг яратилиши бюджет устига қўшимча молиявий юк бўлиб қўшилади ва жами давлат аппарати ишини ўзгартирмай туриб етилган муаммоларни ечишга қодир эмас”

Насима Даврон қизи
Eltuz.com

Тағин ўқинг
11 октябр 2016
Мажбурий меҳнат мониторинги билан шуғулланаётган “Қўрқмаслар” гуруҳи фаоли Малохат Эшоқулованинг eltuz.com мухбирига берган интервьюсига кўра, уларни чўл зонасидаги “Қирлишон” ...
6 март 2018
Устидан Жиноят кодексининг 165, 205, 210-моддалари бўйича жиноят иши қўзғатилиб, 22 февралдан бери ҳибсда қолаëтган собиқ Бош прокурор Рашиджон ...
21 июн 2019
Хушхабардан бошласам гапимни. Россиялик олигарх Усмонов Тошкентдаги мактаб деворини оқлаб берадиган бўлди. Малладес, брат. Ашнақа бўсин! Хонқа дон комбинати ...
7 май 2019
«Элтуз» нашри Муҳаммад Бекжоннинг «Қўрқувнинг нариёғида» (Алвидо, Жаслиқ!) иккинчи китоби, 5-қисми аудиоверсиясини тақдим этади. 2005 йилги Андижон воқеаларидан кейин ...
Блоглар
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...