Истанбул ҳокими: Террорчи Ўзбекистон ватандошидир

Истанбул ҳокими Восип Шоҳин ва Истанбул амният мудири Мустафо Чолишқон 17 январь куни матбуот анжумани ўтказиб, қўлга олинган одамнинг Ўзбекистон ватандоши Абдуқодир Машарипов эканлигини айтишди.

Қўлга олиш пайтида битта ҳам ўқ отилмаган. Машариповнинг уйидан 197 минг АҚШ доллари чиққан.

ИШИДга мансублиги айтилаётган мазкур шахснинг лақаби Абу Муҳаммад Хуросоний бўлган.

Анжуманда таъкидланишича, 33 яшар Ўзбекистон ватандоши ва этник тожик Абдуқодир Машарипов Ўзбекистонда ҳам қидирувга берилган.

Унинг Афғонистон ва Покистондаги лагерларда таълим олгани ҳам таъкидланди.

Аниқланишича, Машарипов Туркия ҳудудига Эрон орқали ноқонуний йўллар билан ўтган.

Шу кунларда келиб чиқиши Марказий Осиëдан бўлган 50 киши айни воқеага алоқадорликда айбланиб қўлга олинди.

Абдуқодир Машарипов билан бирга қўлга олинганлар орасида бир ироқлик эркак, шунингдек Миср, Сенегал ва Сомали ватандошлари бўлган аёллар борлиги айтилмоқда.

Eltuz.com манбаларининг айтишича, Машарипов Ўзбекистоннинг Наманган вилоятидан бўлиб, икки фарзанднинг отасидир.

Eltuz.com