Асосий мавзулар
18 январ 2017

Машариповнинг ўзбекистонлик бўлганини расмий Тошкент тасдиқлади

Турк матбуотига кўра Машариповнинг Ўзбекистон ватандоши эканлигини расмий Тошкент тасдиқлаган. Ўзбекистон тарафига кўра, Машарипов қидирувда бўлган.

Молтепадаги рейд. Фото: Ижтимоий тармоқдан

Турк полициясига кўра, Машарипов қўлга олинган пайти “Ўлдирманг мени акалар!” дея бақирган, қўлга олиш пайтида битта ҳам ўқ отилмаган.

Чоршанба куни тергов пайтида Машарипов аввалига Тақсим майдони (Истанбул маркази)да портлаш ташкил қилмоқчи бўлганини айтган.

Кейин Роққадаги ИШИД вакиллари билан келишиб тунги клубда қирғин қилишга қарор берган.

Истанбул ҳокими Восип Шоҳин ва Истанбул амният мудири Мустафо Чолишқон сешанба куни матбуот анжумани ўтказиб, қўлга олинган одамнинг Ўзбекистон ватандоши Абдуқодир Машарипов эканлигини билдиришган эди.

Шунингдек, матбуот анжуманида Машариповнинг уйидан 197 минг АҚШ доллари чиққани билдирилган.

ИШИДга мансублиги айтилаётган мазкур шахснинг лақаби Абу Муҳаммад Хуросоний бўлган.

Анжуманда таъкидланишича, 33 яшар Ўзбекистон ватандоши ва этник тожик Абдуқодир Машарипов Ўзбекистонда ҳам қидирувга берилган.

Молтепадаги рейд. Фото: Ижтимоий тармоқдан

Унинг Афғонистон ва Покистондаги лагерларда таълим олгани ҳам таъкидланди.

Аниқланишича, Машарипов Туркия ҳудудига Эрон орқали ноқонуний йўллар билан ўтган.

Шу кунларда келиб чиқиши Марказий Осиëдан бўлган 50 киши айни воқеага алоқадорликда айбланиб қўлга олинди.

Абдуқодир Машарипов билан бирга қўлга олинганлар орасида бир ироқлик эркак, шунингдек Миср, Сенегал ва Сомали ватандошлари бўлган аёллар борлиги айтилмоқда.

Eltuz.com манбаларининг айтишича, Машарипов Фарғона вилоятининг Қўқон шаҳрида яшаган ва бундан 6 йил олдин Ўзбекистонни тарк қилган. У икки фарзанднинг отасидир.

Eltuz.com

Тағин ўқинг
3 сентябр 2018
2 сентябрь куни милиция бўлимига чақирилган тошкентлик интерьер дизайнер ва блогер, 41 ёшли Миразиз Аҳмедов уйидан чиқиб кетганича ҳануз ...
28 август 2017
Шоир Юсуф Расул 1971 йил Тожикистоннинг Панжикент туманида туғилган. 1993 йилда ТошДунинг журналистика факультетини тамомлаган. Ўзбек вақтли матбуотидаб Би-Би-Си, ...
15 апрел 2016
Мақолада ёзилишича, хитойлик журналистлар “Фарғона шаҳрининг қиёфаси, ям-яшил майдонлар, каштанлар хиёбони, янги бунёд этилган иншоотлар, сув спорти саройини кўриб, ...
14 март 2016
“Ўзбекистон овози” газетаси ўз муштарийсининг: “Президентдек одам миллион-миллион ишидан ортиб, вақт топиб, бизнинг бола-чақамиз саломатлигини, бахтини ўйлаб, жон куйдириб ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...