Асосий мавзулар
21 март 2017

Истанбулда ўзбек аëл бўғиб ўлдирилди

Истанбулнинг Фотиҳ мавзеида Ўзбекистон ватандоши 43 яшар Муштарий. К. Исмли аëлни бўғиб ўлдирган 26 яшар Нежати. Ф исмли йигит қўлга олинди. Фото: aksam.com

Туркиядаги “Оқшом” газетасининг маълум қилишича, ўзбек аëл кунлик ижара уйда ўз танасини сотиш билан шуғулланган.

Нашрнинг полицияга таяниб билдиришича, ўзбек фоҳиша аëл билан мижоз ўртасидаги келишмовчилик аëлнинг ўлими билан тугаган.

Вазир кўчасидаги уйдан чиққан жасад

Турк матбуотига кўра, душанба куни полиция Фотиҳ мавзеидаги Шаҳрамини маҳалласининг Вазир кўчасидаги кунлик кира уйлардан бирига кирганида аëл жасади билан юзлашган.

Мурданинг чўнтагидаги телефони текширилганида унинг охирги маротаба Нежати исмли йигит билан гаплашгани аëн бўлган.

Пировардида мухтамал қотил Нежати қўлга олинган.

“Шартномани бузгани учун бўғдим”

Турк матбуоти Нежатининг кўрсатмаларидан иқтибос келтиради.

“Ўзбек фоҳиша аëл билан пул эвазига бир кеча ëтишга келишдик. Ярим кечагача бирга бўлдик. Тун ярим бўлганда аëл кетмоқчи бўлди. Мен эса бутун кеча учун келишганимни айтдим. Ўртамизда тортишма чиқди. Кейин мен уни бўғдим. У йиқилганидан кейин мен қўрқиб уйдан чиқиб кетдим. Ўлди деб ўйламадим. Ҳушидан кетди деган фикрда эдим” деган гумондор ўз қилмишидан пушаймон эканини полицияга билдирган.

Бу жиноят ўтган шанба куни Туркияда аёлларни фоҳишаликка мажбурлаган ўзбек аёли бошлиқ гуруҳ ушлангани ортидан юз бергани эътиборга молик.

Ўзбек фоҳишалари ушлангани ҳақидаги ҳабарларни турк матбуотида кунора учратиш мумкин.

АҚШ Давлат Департаментигнинг одам савдосига оид 2016 йилги ҳисоботига кўра, Туркия инсон савдоси учун сўнгги манзил ва транзит мамлакат ҳисобланади.

Eltuz.com

Тағин ўқинг
24 май 2019
Расмий тақдимоти ўтказилмаган бу клипда Шерали Жўраев совет юқори номенклатурасининг севимли улови бўлган “Чайка” автомобилини ëлғиз бошқаргани акс эттирилади. ...
21 сентябр 2020
Ўзбекистонда пахта йиғим-терими мавсуми бошланди. Шу сабабли ҳар йили бўлганидек, жорий йилда ҳам аҳоли орасида ушбу мавзу долзарб бўлиши табиий. ...
25 май 2017
24 май куни “Яланғоч ота” қабристонига кўмилган Марказий Банк Бошқаруви раиси 67 яшар Файзулла Муллажонов ўзбек сўмини конвертация қилишга ...
10 сентябр 2020
Элтуз “Вақт машинаси” рукни остидаги мақолаларни чоп этишда давом этади. Навбатдаги ҳикоямиз, Ёш бухороликлар ҳаракати фаоли Абдуқодир Муҳиддин ўғли ...
Блоглар
2 март 2021
Бир оғайним қўққисдан мен ҳақимда даҳоларча башорат қилиб бундай деб қолди: Керак бўлса, минг фоиз ...
25 феврал 2021
Болалигимда мендан 5-6 ёш катта қўшни каптарвоз бола бўларди. Кўпинча каптарлари бизнинг ҳовлимизга учиб келиб ...
17 феврал 2021
Ҳали газга ўтилмаган ёнилғи сифатида фақат бензиндан фойдаланиладиган вақтлар эди. Бензин эса автомобилларга ёнилғи қуйиш ...