Асосий мавзулар
23 март 2017

Борис Гребеншиков Муҳаммад Бекжонга мактуб йўллади

Россиялик машҳур хонанда Борис Гребеншиков яқинда қамоқдан чиққан журналист, Муҳаммад Бекжонга мактуб йўллади.

Элтуз мухбири билан суҳбатда собиқ сиëсий тутқун Муҳаммад Бекжон машхур қўшиқчи эътиборидан хурсандлигини билдирди.

«Мен очиғи сира кутмагандим мен учун севимли қўшиқчидан бундай мактуб олишни», деди собиқ сиёсий маҳкум Муҳаммад Бекжон.

21 март куни Amnesty International Amnesty International ташкилоти тарқатган бу хушхабарни унга қизи Ойгул етказган.

«Борис концерт олдидан саундчекни бир зум тўхтатиб, столга ўтирди, Муҳаммад Бекжон билан бирдамлик мактубини ёзди, қисқа бироқ ҳаяжонли қўллаб қувватлаш хатини», дея билдирди бу ҳақда Amnesty Internationalнинг Россия ваколатхонаси директори Сергей Никитин.

Чорак умрини ноҳақ турмада ўтказган ўзбекистонлик журналистнинг қисмати билан кимнинг иши бор?» каби риторик саволни қўяркан, Никитин шундай жавоб беради.

«Бизнинг ишимиз бор. Бу ноҳақликни ўз дарди дея билувчиларнинг иши бор».

У шунингдек, ўзбек журналистининг озод этилгани ҳақидаги қувончли хабарни етказиш учун Борис Гребеньшиков билан учрашганини ёзади.

«Умид қиламиз, у россиялик хонанда ва шоир мактубини олишдан жуда ҳурсанд бўлади. Тағин Борис Гребенщиковдан. Аквариум лидери, афсонавий мусиқачидан. Ўзганинг дардига бефарқ бўлмаган, ноҳақ панжара ортига ташланганлар ҳақини сўраётган инсондан».

Россия рок мусиқаси асосчиларидан бири, «Аквариум» гуруҳи қўшиқчиси, «Сирли ўзбек» дея номланган қўшиғи билан танилган Борис Гребеншиков, бундан бир ярим йил аввал, ноҳақ қамалган журналист Муҳаммад Бекжонни озод қилиш акциясида иштирок қилган, унинг портретини кўтариб тушган фотосини ижтимоий тармоқларда тарқатган эди.

Ўзбекистонликлар унинг “Сирли ўзбек” қўшиғи орқали юксак истеъдод эгаси Борис Гребеншиковни яхши танийдилар.

Сирли ўзбек

Борис Гребеньшиков – Муҳаммад Бекжонга хат йўллаган афсонавий рокер

(Мирза Анвар Ҳамидов таржимаси)

Андишанинг оғир дамлари
келди ва кетди…
Шон-шавкат қўли ëнди ва куллари тарқади
Бу қоришиқ ҳам тўкилиб кетди.

Қувноқ ва шоëн юрганларга етказинг
Зотан сирли ўзбек шу ерда
Чидадик биз узоқ, ҳормайин,
Сирли сўзни унутган мисол.

Кўкка кўтарилмоқ жуда ҳам қийин.
Гарчи дарча маълум,
қаншарда девор….

Дудмаллик даври ҳам топди интиҳо.
Қонли кўйлагимиз олди аланга.
Зулмнинг бўғзига босиб биз, Борҳо!
Эрк қушин учирдик кўкка, баландга!

Замона зўрники, эҳ, бу замонлар!
Айтинг ўша дажжол, чўтир дарғага:
Сирли ўзбек келган аллақачонлар,
Эрк қуши чанг солди каззоб қарғага.

18 йил қамоқда бўлган журналист Муҳаммад Бекжон 63 ёшида қамоқ муддатини ортиғи билан ўтаб 22 феврал куни озодликка чиққан эди.

eltuz.com

Тағин ўқинг
2 январ 2019
Ўзбекистонда 2019 йилнинг 1 апрелидан  Вазирлар Маҳкамасининг 847-сонли қарори билан мобил гўшакларини рўйхатга олиш бошланади. Қарорга кўра, рўйхатга киритилмаган телефонларни ...
13 март 2019
Ғайрат Бобожонов 50 ëшда. Шундан 25 йилини журналистикага бағишлади. Журналистик фаолиятини Ўзбекистон тарихидаги илк мустақил телеканалда 1994 йили бошлаган ...
21 июн 2019
Хушхабардан бошласам гапимни. Россиялик олигарх Усмонов Тошкентдаги мактаб деворини оқлаб берадиган бўлди. Малладес, брат. Ашнақа бўсин! Хонқа дон комбинати ...
30 декабр 2019
Замонавий ўзбек романчилиги ва сатира жанри асосчиси Абдулла Қодирий НКВД томонидан «халқ душмани» дея айбланиб, 1937 йилнинг 31 декабрида ...
Блоглар
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...
12 январ 2025
Турли мавзуларга ўз қараши билан фарқланадиган блогер Кирпи Президентнинг 380-сонли қарори асосида 1000та китобнинг ўзбек ...