Асосий мавзулар
18 май 2017

Тухум учун президентга миннатдорлик

Ўзбек матбуоти президент Мирзиёевнинг товуқ ва тухум сиёсатини улуғлашда давом этмоқда.

Ҳусусан “Миллий тикланиш” газетаси (17.05) Тошлоқдаги деҳқон хўжалиги раҳбари банкдан берилган имтиёзли кредитга 2500 товуқ олиб, кунига 1500 та тухум сотаётгани учун президентга миннатдорлик билдиргани ҳақида ёзган.

Мақолада президентнинг аҳолини товуқбоқар қилиш ташаббусига соя солаётган ҳолатлар ҳам тилга олинган.

Маълум бўлишича, ёзёвонлик Наталья опа Юничковага “Агробанк”дан олинан 7,5 миллион сўм кредит эвазига 230 та товуқ олиб берилган. Аммо товуқлар қари бўлиб, на тухум берган, на гўштга яраган.

Юничкова бу товуқларни икки ой боққач, 30 таси нобуд бўлгандан кейин банкка бориб товуқ сотган фирмани суриштирганида, банк ходимлари “масъулиятсизлик қилиб, унга жавоб бермагани” ҳақида ёзади газета.

Фақат опа халқ қабулхонасига мурожаат этганидан кейингина товуқлар уларни сотган фирмага қайтариб берилган, кредит ҳам ўша корхона томонидан қопланган.

Мақолада шунингдек, коллеж битирувчисига ҳам кредитга 50 та товуқ берилгани, бироқ улар тез орада нобуд бўлгани айтилади.

Эътиборлиси шундаки, мақолада халқ қабулхоналари ҳудудлардаги раҳбарларнинг “эл назарига тушишига, чинакам обрў-эътибор топишига имкон бергани” таъкидланади.

Газета шунингдек, “халқ дарди билан яшаш” байроғини баланд кўтарганча, президентнинг халқ қабулхоналари фаолиятига оид каттагина мақола эълон қилган.

Мақола Халқ билан мулоқот ва инсон манфаатлари йилининг асосий мақсади “эл-юрт ташвишидан огоҳ бўлиб, чора-тадбир кўриш” эканини таъкидлар экан, давлат раҳбарига ташаккурномалар билан бошланади.

Халқ қабулхонасига мурожаат этгани ортидан бувисига ногиронлик аравачаси берилган набира, қарийб ўн йил давомида қизига гувоҳнома ололмай юриб, уч кунда иши битган она, фарзандининг ўқиши учун шартнома тўловини ўтказиш борасида иши битмай юрган вақтда амалий ёрдам олган волиданинг ҳам миннатдорлик сўзлари келтириб ўтилган.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
18 январ 2018
Президент Мирзиёев ўз чиқишларида “эски замонлар тугаганини” бот-бот эслатишига қарамай, унинг мулозимлари Каримовни қўмсашда давом этишмоқда. «Шу тизим ичида ...
9 феврал 2017
«Энг катта порахўрлик туғуруқхоналарда. Порахўрликни ҳаёт нормаси деб қабул қила бошлашди”, деди Шавкат Мирзиёев 7 феврал куни ўтказган мажлисида. ...
26 август 2016
Француз фотографи Анри Картье Брессон репортаж фотожурналистикасининг “отаси” дея ном чиқарган эди. У бир жойда ўтирмай тинимсиз саëҳат қилишга ...
8 март 2017
Россия Ташқи разведка хизмати директори Сергей Наришкиннинг Ўзбекистонга сирли ташрифи на маҳаллий матбуотда, на биз кузатишга муваффақ бўлган рус ...
Блоглар
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...
4 феврал 2020
Президент Мирзиёев 31 январь куни Давлат геология ва минерал ресурслар қўмитасида ўтган учрашувда «бир кичкина ...