Асосий мавзулар
29 май 2017

Истанбулда яшайдиган Шаҳноза ўз укасини пичоқлади

Икки йилдан бери Истанбулда яшаб келган Ўзбекистон ватандоши Шаҳноза. К ўзи билан бир уйда истиқомат қиладиган укаси 24 яшар Саиджамол Ражабовни пичоқлаб қочиб кетди.

Турк матбуотининг маълум қилишича, Шаҳноза.К билан укаси ўртасида иш топиш масаласида бошланган жанжал пичоқлашув билан якунланган.
Жиддий жароҳат олган Саиджамол Ражабов Истанбулдаги касалхонада қолмоқда. Полиция унинг опасини қидирмоқда.

Hurriet газетаси мухбири Четин Ойдиннинг ўрганишига кўра, Истанбулдаги ижара уйда Шаҳноза икки йилдан бери дўсти билан яшаб келган ва 8 ой олдин укаси Тошкентдан келиб улар билан бирга яшай бошлаган.

Ражабовни яқиндан таниган ўзбекистонликнинг Элтуз мухбирига айтишича, Шаҳноз ўз укасининг қорнига ошхона пичоғини тиққан:
“Саккиз ойдан бери Саиджамол Ражабов билан опаси Шаҳноз ўртасида кунора жанжал бўлган. Шаҳноза укасига «иш топмадинг, паразитсан», деб маъломат қилган. Жанжалу маломат жонига теккан Саиджамол опасига қўл кўтарган. Опаси эса ошхонадан пичоқ олиб чиқиб, Саиджамолнинг қорни ва бўйнига санчган. Қонига булғанган укани чалажан ҳолда қолдирган Шаҳноз, уйдан чиқиб кетган», дейди суҳбатдош.

Истанбулда истиқомат қиладиган ўзбек ватандошларининг аниқ сони маълум эмас.

Туркиядаги ўзбеклар исломий экстремизм, терроризм, фоҳишабозлик ва маиший қотиллик қилган шахслар сифатида Туркия матбуотида юз кўрсатишади.

Eltuz.com

Тағин ўқинг
7 июл 2017
Хива ёдгорликлари 19 май кунги Вазирлар Маҳкамаси қарори билан тағин «реконструкция» қилинадиган бўлди. Қарорга кўра Хива хонининг ëзги «Нуриллабой» ...
1 апрел 2019
Ўзбекистон расмийлари АҚШ Меҳнат департаменти ўзбек пахтасини болалар мажбурий меҳнати воситасида етиштирилган маҳсулотлар “қора рўйхати”дан чиқаргани тўғрисида фахр билан ...
24 сентябр 2021
Кеча юраëтиб, оëғим остида сарғайган барглар ғижирлаганини эшитиб, куз келганини англадим. Яқиндагина оëғим остида қорлар ғичирлаëтган эди. Кейин Стокгольм ...
22 май 2019
Малика Собирова 1942 йилнинг 22 майида ўзбек найчиси Абдураҳим Собиров ва осетиялик шифокор Мадина опа оиласида туғилиб, ëшлигидан нафосатга ...
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...