Асосий мавзулар
30 июн 2017

Озодбек Назарбеков «Ёшлар» телеканалига рахбар бўлди

Ўзбекистон халқ артисти Озодбек Назарбеков 30 июн куни “Ëшлар” телеканалига Бош директор этиб тайинланди.

Бу ҳақда президент Мирзиёев “Камолот” ёшлар ҳаракати қурултойи билан қўшиб ўтказилган селектор йиғилишида билдирди.

Шавкат Мирзиёев, шунингдек «Камолот» тугатилиб, ўрнида Ўзбекистон Ёшлар иттифоқи тузилганини эълон қилди.

Эндиликда Давлат ташкилоти саналадиган Ёшлар иттифоқи нуфузи кўтарилиб, унга «Ёшлар» телеканалининг 50 фоиз улуши ҳам қўшиб берилди.

Президент Мирзиёев рахбари этиб Назарбековнинг тайинланишини, телеканалда ёшларга таъсир ўтказа оладиган шахс кераклиги билан изоҳлаган.

Каримов даврида катта саҳнадан «сал чеккага сурилган» Назарбеков Ўзбекистонга Шавкат Мирзиёев президент бўлганидан кейин тағин юксала бошлаган, бир қанча санъаткорлар билан Тошкентдаги катта қурилишларга ҳисса қўшиш «ташаббуси билан» танилганди.

Шунингдек, яқинда унинг Давлат идоралари корпоратив базмларида хонандалар хизматидан бепул фойдаланилиши ҳақидаги шикояти ҳақида Элтуз нашрида мақола чоп этилганди.

2 июн куни «Ўзбекконцерт» идораси йиғилишида Назарбеков Маданият вазирлигида махсус тижорат бўлими очиш ва артистларнинг корпоративлардаги хизмат ҳақини шу бўлим орқали тўлаш таклифини киритганди.

1974 йилндижонда туғилган Озодбек Назарбеков Тошкентдаги Санъат институтини тугатган яккахон санъаткордир.

2007 йили у Ўзбекистон халқ артисти, 2012 йили Қорақалпоғистон халқ артисти унвонларини олган.

Eltuz.com

Тағин ўқинг
2 октябр 2017
Ўтган ҳафта охирида Рус патриархи Кириллнинг Ўзбекистон бўйлаб сафари бошланди, шунингдек Тошкентда Россиянинг янги ароқ заводи қурилиши ҳақидаги хабарлар ...
17 январ 2019
Ўзбекистонда цензура остидаги Интернет сайтлари 16 январь кунининг биринчи ярмида тўсатдан очилиб кетди. Жумладан, тошкентлик мухлиснинг билдиришича, «Элтуз» нашрига ...
1 август 2017
Ўтган йили ўлган Ислом Каримовнинг қизи Гулнора Каримова билан елкама-елка FondForum ташкилоти тадбирларида фаол иштирок этган амалдорлардан бири 54 ...
24 март 2016
“Адолат” газетаси интернет маданияти ва ахборот хавфсизлиги масалаларига бағишлаб Самарқанд давлат чет тиллар институтида бўлиб ўтган тадбир ҳақида хабар ...
Блоглар
18 апрел 2019
Аврангзеб (тож безаги) дея тарихга кирган Абул Музаффар Муҳиддин Муҳаммад Оламгир (1618—1707) Ҳиндистонда Буюк мўғуллар ...
17 апрел 2019
Оммавий ахборот воситаларида турк актёри Бурак Ўзчивитнинг янги туғилган чақалоғига Тошкентдан уй совға қилингани ҳақидаги ...
15 апрел 2019
Ўтган асрнинг 80-йиллари сўнггида мамлакатда эрк ва демократия учун бошланган жабҳада кўплар қатори жавлон ураркан, ...