Document UZ
22 сентябр 2017

МХХ ходимлари ўнлаб тадбиркор мол-мулкини тортиб олди

Ўзбекистонлик бир-бирини танимайдиган бир неча тадбиркорнинг “Элтуз” мухбирига маълум қилишича, 2010-2016 йиллар давомида МХХ Миллий ҳавфсизлик ва МХ (СБ) ҳавфсизлик хизмати ходимлари ўнлаб йирик ва ўрта тадбиркорларнинг кўчмас мулкини товламачилик билан ўз номларига ўзлаштириб олган.

Ўзбекистон Бош Прокуратурасининг юқори мартабали ходимларидан бири бундай товламачиликдан жабр кўрган тадбиркорларнинг иддаоси мутлақо асосли экани, ҳақиқатан ҳам ўз номларига ўзлаштириб олишаётгани ва бу ҳол довом этаётганини айтди.

МҲҲ зобити Анвар Халимбетовнинг ҳужжати

Исми сир қолишини сўраган тадбиркорлардан бири “Элтуз” мухбирига исбот тариқасида ана шундай “ихтиёрий-мажбурий” олди сотди ҳужжатларини йўллади.

Ҳужжатда, тадбиркорнинг айтишича, у ўзига нисбатан олиб борилган тергов пайтида “ҳибс”га олинган Тошкент марказидаги 300 квадрат метрдан каттароқ квартирасини 55 миллион сўмга (6 минг доллар атрофида) Миллий Хавфсизлик Хизмати ходимига ўтказиб берганини кўриш мумкин.

Мустақил суриштирув олиб борган “Элтуз” мухбири, Тошкент марказидаги квартира эгасининг ҳақиқатан ҳам МХХ зобити эканини аниқлашга муваффақ бўлди.

Тақдим қилинган ҳужжатларга кўра у, 37 ёшли МХХ зобити, Анвар Халимбетовдир.

Тадбиркорнинг айтишича, Тошкентда 6 минг долларга 300 квадрат метрдан каттароқ бўлган квартира тугул “ҳожатхона ҳам сотиб олиш” имконсиз.

“Элтуз” мухбири суҳбатлашишга муваффақ бўлган яна бир нечта тадбикор ўзлари ва яқинлари номига қайдга олинган кўчмас мулк, автомашина ва қимматбаҳо буюмларни МХХ ва СБ ходимлари номига ўтказиб, ўз жонларини қутқариб қолишганини айтишди.

Улардан бирортаси ўз номлари ошкор бўлишини истамади, аммо нашр этмаслик шарти билан “олди-сотди” шартномаларини “Элтуз” мухбирига намойиш этди.

Ўзбекистон Бош прокуратураси ходими “янги уй эгалари”дан камида бир нафарини яхши танишини, унинг марҳум президент Каримов хавфсизлик хизматида юқори мартабали ходим бўлганини билдирди.

Прокуратура ходимининг айтишича, тадбиркорлардан мол-мулкни тортиб олиш ҳоллари охирги ойларда кучайган. Бу ҳолга Шавкат Мирзиёевнинг иқтисодий жиноятларда айбланган шахсларга нисбатан афв фармонини чиқаргани сабабдир.

МХХ ходимлари, “Элтуз” суҳбатдошларига кўра, Шавкат Мирзиёев ёмонотлиқ қилиш – “унинг орқасидан пичоқ уриш” – мақсадида афв фармонини оё ости қилмоқда.

Ўзбекистон президентининг ўтган йил октябрь ойида қабул қилган амнистия қарорига кўра Ўзбекистонда 40 мингга яқин одам афв этилди, жумладан терговда бўлган юзлаб тадбикорларга нисбатан қўзғатилган жиноят ишлари тўхтатилди.

Аммо, афтидан, хавфсизлик ходимлари пайтдан фойдаланиб қолишаётган кўринади.

Eltuz.com

Тағин ўқинг
14 июл 2016
Бугун рассом Элсевар Eltuz.сom нашри орқали Ўзбекистонда кашпировский замонларидан бери давом этиб келаётган ритуал, одамларни телевизор орқали ухлатиш анъанаси ...
15 сентябр 2016
Дунёнинг қатор оммавий ахборот воситалари, хусусан, ўзбек тилли мустақил нашрлар Ўзбекистон бош вазири Шавкат Мирзиёев “Конституцияга зид равишда ўзининг ...
6 январ 2018
4 январ куни қамоқдаги журналист Бобомурод Абдуллаевнинг онаси Гавҳар Мадаминова президентга видеомурожаатини эълон қилди. Ҳуқуқ фаоли Сурат Икромов фейсбук ...
10 август 2018
“Учинчи зарбада оғриқдан, бошқа оғриқларга қараганда “фарқли” оғриқдан “воҳ!” дея ўрнимдан сакраб турганимни ўзим ҳам сезмай қоламан. Бу сафарги ...
Блоглар
11 декабр 2019
Кун ўтмоқда, сана ўзгармоқда, лекин ижобий ўзгаришлар рўй бермаяпти. Мен Одил Элмурод, ”Эзгулик” инсон ҳуқуқлари ...
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган ...
9 декабр 2019
Абдували Қутбиддин 8 декабрь куни 59 ёшида Тошкентда вафот этди. Замондошлари наздида у ўзбекнинг далли ...