Асосий мавзулар
27 сентябр 2017

Ўқитувчи ва медиклар энди “уюшмаган аҳоли”сифатида пахта теришмоқда

Фарғона вилоятида ҳуқуматнинг ўқитувчи ва шифокорларни пахтадан қайтариш буйруғига қарамай, улар ҳамон далада қолиб пахта теришмоқда.

Маълум бўлишича, шифокорлар ап мактаб ўқитувчилари эндиликда “уюшмаган аҳоли” сифатида пахтага жалб этилмоқда.

“Дарсимиз йўқ кунлари “Ўз хоҳишим билан пахтага чиқишга розиман” деган мазмунда тилхат ёзиб бердик”, дейди Учкўприк тумани мактабларидан бирининг ўқитувчиси.

Унинг сўзларига кўра, ўқитувчиларда агар халқаро ташкилот вакиллари келиб сўраса, “биз уюшмаган аҳолимиз, маҳалладан ўз хоҳишимиз билан чиқдик, уйда ўтирамиз”, – деб жавоб бериш буюрилган.

“Ҳозирча бегоналар биз пахта тераётган далага келмади”, – деди у “Элтуз” мухбирига.

Пахтадан қайтиш ҳақидаги буйруқ, ётоқ билан пахта даласида қолаётган аксарият бюджет ташкилотларига таъсир қилмаган.

“Бизга қачон қайтишимизни айтишмади. Бугунги кунда ҳам патронаж ҳамширалар, олий маълумотли врачлар, тиббиёт муассасаси қоровуллари, фаррошлари ётоқ шароитида пахта термоқда. Уларга кунлик озиқ-овқатлари олиб бориб берилмоқда”, деди ҳамон ётоқда қолаётган тиббиёт муассасалари раҳбарларидан бири “Элтуз” мухбирига.

Айни пайтда тадбиркорлардан ва бозордаги майда тужжорлардан пахта терими учун пул йиғиш авжига чиққан.

“13 киши 10 минг сўмдан пул йиғиб бердик. Энди бизни бозор маъмурияти 10 кун безовта қилмайди. Ўтган йили ҳам 5 -10 кунда 10 мингдан пул йиғиб берардик” деди бозорда кийим-кечак сотувчи аёл.

Қўқон шаҳридан атроф туманларга қатновчи автобус ҳайдовчилари ҳам “Элтуз” мухбирига ҳар куни эрта билан ҳашарчиларни пахта даласига ташлаб қўйишаётганлигини, кечга яқин яна уларни олиб келиб қўяётганлигини билдиришди.

Насима Даврон қизи
Eltuz.com

Тағин ўқинг
21 ноябр 2017
17-20 ноябрь куни Швециянинг Стокгольм шаҳрида VI Евроосиё адабиёти фестивали бўлиб ўтди. Постсовет давлатлар, жумладан, ўзбекистонлик ёзувчиларнинг асарлари тақдим ...
24 декабр 2018
Ўзбекистон фуқаролик жамиятининг бир гуруҳ фаоллари Zeromax GMBH кредиторларининг Гулнора Каримованинг ноқонуний активларини товон сифатида олиш ҳаракатлари кучайганидан хавотир ...
21 август 2018
Ҳукуматнинг кўнгилочар масканларга рейдлари ортидан ўзбек матбуотида “тунги клублар”ларни ёмонотлиқ қилиш авж олди. Айни тенденциядаги кўрсатувларни “Ёшлар” телеканали узатди. ...
2 апрел 2018
Сўнгги вақтларда президентнинг вилоятларга ташрифлари давомида уни алдашга уринишлар авжига чиқмоқда. Интернетда куни-кеча Жиззахга борган президент Шавкат Мирзиёев Зарбдор ...
Блоглар
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...