Document UZ
30 сентябр 2017

Бобомурод Абдулланинг уйини МХХ тинтув қилган

29 сентябр куни «Элтуз» нашри қўлга киритган журналист Бобомурод Абдулла уйида қилинган тинтувга оид ҳужжатлар воқеанинг айрим жиҳатларига ойдинлик киритади.

Тинтув милиция томонидан эмас, Ўзбекистон Республикаси МХХ Тергов бошқармаси бўлим бошлиғи подполковник Н.Д. Тўрақулов томонидан ўтказилган.

Подполковник Тўрақулов имзолаган қарорга кўра, журналистнинг уйида тинтув ўтказиш МХХ Тезкор Бошқармаси ходимларига юклатилган.

«Кўпчилик бўлиб келишди, лекин уйимиз тор бўлгани учун иккита одам кириб тинтув қилишга, қолганлари ташқарида туриб кутишга мажбур бўлди» деди тинтувдан сўнг шанба куни «Элтуз» билан суҳбатлашган Бобомурод Абдулланинг умр йўлдоши Катя Балхибоева.

«Элтуз»нинг ўрганишича, журналист Бобомурод Абдулланинг уйидан тинтув натижасида унинг компютери, дисклари, флешкардлари, фотоаппарати ва айрим китоблари мусодара этилган.

Тинтув қарорида шунингдек, Абдуллаевнинг Тошкент шаҳридаги уйида ЖПКнинг терговчи ваколатига оид 37, 158- 164-моддалари асосида тинтув ўтказилгани, қарор нусхаси Ўзбекистон Республикаси Бош прокуратурасига юборилиши айтилади, бироқ журналистнинг қайси жиноятда айбланаётгани кўрсатилмаган.

Бобомурод Абдулланинг уйи МХХ ходимлари томонидан тинтув қилиниши, унга тегишли компютер, диск ва бошқа ахборот сақланган ускуналари ва китобларининг тергов учун олиб кетилиши, журналистга нисбатан майда ўғирликдан кўра жиддийроқ сиёсий айблов уйдирилишидан ҳавотир уйғотади.

Кейинги пайтларда журналист видеоблогер сифатида ўз маҳоратини кўрсата бошлаган эди. Унинг дастлабки чиқишларидан бирини Ютуб каналида 9 205 юзер томоша қилган.

Ўзбекистон футбол термасининг кетма-кет мағлубияти ҳақидаги чиқишларидан кейин жамоа тренери Бабаян четлатилган эди.

29 сентябр куни «Элтуз» нашри журналист Бобомурод Абдулланинг шаҳар ИИБ ходимлари томонидан ўғирликда гумон қилиниб қўлга олингани, бироқ МХХ ходимлари босими остида бу икки кун давомида сир тутилгани ҳақида ёзган эди.

Бобомурод Абдулла 27 сентябр куни тушдан кейин, машинасини тузатиш учун устага бориб келаман дея, чиқиб кетганича, икки кун давомида ғойиб бўлганидан сўнг, унинг хотини милицияга ариза ёзган эди.

Журналистнинг Тошкентда қўлга олиниши, тинтув ва тергов натижалари билан боғлиқ воқеаларни «Элтуз» нашри cуриштиришда давом этмоқда.

Eltuz.com

Тағин ўқинг
15 июл 2017
Лондонда яшовчи ўзбек актери, 42 ёш Рашид Шадат (Абдурашид Шодиев) Ўзбекистонда тақиққа учраган филмлар юзасидан Элтуз мухбирига интервью берди. ...
12 сентябр 2016
«Оила даврасида» газетаси (08.09.2016) бугунги Ўзбекистоннинг оддий аҳолисини энг кўп ўйлантираётган муаммолардан бири – банк пластик картаси орқали молиявий ...
2 июн 2017
Қоидалар Россия президентининг «2017-йилги ФИФА Конфедерациялар кубоги ўтказиш даврида кучайтирилган хавфсизлик чоралари» ҳақидаги 202-сон фармони билан боғлиқ. Ҳавфсизлик чораларига ...
9 апрел 2018
9 апрель куни фейсбук ижтимоий тармоғида пайдо бўлган, Ўзбекистон давлат байроғи фонида тўппончани мушукка тираб турган эркак фотоси мушуксеварлар ...
Блоглар
23 феврал 2019
​​Эврил Туроннинг пойтахтни Жиззахга кўчириш ҳақидаги таклифини кўпчилик кулги остига олди, кимдир пахта қўйиш сифатида ...
21 феврал 2019
Қачонлардир, Ҳамза театрини вайрон қилишганида, мени ортиқ ҳеч нарса бунчалик яраламайди, деб ўйлагандим. Кейин хиёбон ...
18 феврал 2019
Тиллар ўртасидаги чегаралар аниқ эмас. Қўйингки, ҳатто “тил” тушунчаси ўта баҳсли. Ким тилга аниқ таъриф ...