Асосий мавзулар
1 октябр 2017

Тоштурмадан озод бўлган ëзувчи «Элтуз»га суҳбат берди

«Элтуз» мухбири Тоштурмадан озод этилган ёзувчи Нурулло Отахонов билан сўзлашишга муваффақ бўлди.

Эндигина қамоқдан уйига келиб турган 63 яшар ëзувчи “Элтуз” мухбири билан суҳбатда “эркинликка қовушиш кутилмаган тарзда юз бергани” айтди:

«Мен кутмагандим, ичкарида ўтириб билмагандим шундай катта ҳаракатлар бўлиб кетишини, ўзимга келиб олай кейин бир баёнот бераман», дея таъкидлайди севинчга тўлган ëзувчи.

Яқинларига кўра, Нурулло Отахоновни 1 октябр куни Яшнабод туман Ички ишлар бўлими бошлиғининг шахсан ўзи уйи эшиги олдигача олиб келиб қўйган.

Ёзувчи ўзининг озод этилишига ижтимоий тармоқда кенг миқёсда бошлаб юборилган акциялар сабаб бўлганини”Элтуз” мухбири билан суҳбат асносида эътироф этди.

Айни пайтда ëзувчи зиммасидан унга қўйилган айблар соқит қилингани ҳақида аниқ маълумот йўқ.

28 сентябр куни ўтган брифингда Тошкент шаҳар ИИБ Тергов бошқармаси бошлиғи Дониёр Тошхўжаев, ёзувчи Нурилло Отахоновга 11 май куни сиртдан жиноят кодексининг 159-моддаси (Конституцион тузумга тажовуз) бўйича жиноят иши очилганини билдирган эди.

Мулозимга кўра, ёзувчига 159 модданинг 1 қисми, 244-1 модданинг 3 қисми, «г» банди юзасидан тергов амалиёти ўтказилган, шунингдек сиртдан қамоққа олиш чораси белгиланган ва қидирув эълон қилинган.

Брифингда шунингдек Тошхўжаев, ҳозирча суриштирув давом этаётгани, керак бўлса қўшимча экспертиза тайинланишини. Агар судланувчининг айби тасдиқланмаса ёки унинг ҳаракати амнистия актига тушадиган бўлса қонунга кўра қарор қабул қилинишини айтган эди.

27 сентябр куни Туркиядан Тошкентга келган 63 яшар ёзувчи қўлига кишан солиниб, транспорт прокуратураси талаби билан Яшнаобод туман ички ишлар бўлимига олиб кетилган эди, орадан кўп ўтмай у Тоштурмага ўтказилди.

Нурилла Отахонов Тошкентга қайтиш арафасида «Элтуз» нашрига берган интервьюсида президент Мирзиёевнинг ваъдаларидан руҳланиб қайтишга чоғланганини билдирган эди.

«Элтуз» нашри воқеани кузатишда давом этади.

Eltuz.com

Тағин ўқинг
20 апрел 2017
Ўзбекистонлик таҳлилчи Анвар Назирнинг Элтуз мухбирига билдиришича, яқинда Тошкентда ҳокимият даражасида ўтган комиссия йиғилишида кирилга қайтмаслик, лотин алифбосини сақлаб ...
26 декабр 2019
«Эрк» демократик партияси лидери Муҳаммад Солиҳ “Бегона” фильмининг 10-қисмида 1991 йилнинг августида содир бўлган воқеалар, ГКЧП ва унинг Каримов ...
21 март 2019
Россиянинг Ёқутистон республикасида 36 яшар аёлнинг зўрлангани иддаолари ортидан марказий осиёлик мигрантларга, жумладан ўзбекларга қарши митинглар, таҳдидлар, тўқнашувлар авж ...
25 январ 2023
Йил бошида Германияда компаниялар фаолияти ва уларнинг инсон ҳуқуқлари ҳамда атроф-муҳит учун оқибатлари билан боғлиқ янги қонун кучга кирди. ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...