Асосий мавзулар
10 октябр 2017

Терим боис Андижонда “Дамас”лар кира ҳақи ошди, бозорлар ёпиқ

10 октябр куни Андижонда пахта кампанияси боис, шаҳар қатновидаги “Дамас”ларнинг кира ҳақи 2000 сўмга чиқди, дея хабар беради “Элтуз” мухбири.

Андижон. ИИБ ва ДАН ходимлари мажбурий теримчиларни жўнатиш учун, мажбурий ҳайдовчи изламоқда. “Элтуз” фотоси

Унга кўра, ДАН ходимлари ҳусусий қатновдаги “Дамас” машиналарини тўхтатиб, уларнинг ҳужжатларини олиб қўйиб, уларни пахтага одам ташишга мажбур қилмоқда.

Пахта теримига ўқитувчи ва медиклардан ташқари бозорлардаги тадбиркорлар ҳам жалб қилинган. Андижон “Жаҳон бозори” озиқ-овқат расталари ҳам пахта терими боис беркилган.

Айни пайтда “Янги бозор” тадбиркорлари шаҳар марказидан 12 километр узоқда жойлашган Избоскан тумани, Пойтуғ шаҳарчаси ҳудудида пахта теришмоқда.

 

Андижон “Жаҳон бозори”даги озиқ-овқат дўконлари ёпилган. “Элтуз” фотоси

Шу кунгача табдиркорлардан бозор маъмурлари ёрдамида фақат ёлланма теримчилар учун пул ундирилиб келинаётган эди, ўтган пайшанбадан бошлаб энди улар ҳам теримга олиб чиқилмоқда.

Қатновдаги “Дамас” машиналарининг сезиларли камайгани, йўлкиранинг қимматлагани боис, йўловчиларнинг ғазаби ортмоқда.

“Лафзи борми ҳокимнинг! Пахта теримига мажбур қилиш жиноят, деган гапи қаерда қолди?” дейди бозордан ҳаражат қила олмагани устига, уйига қайтишга машина топа олмаётган андижонлик “Элтуз” мухбирига.

22 сентябр куни Андижон вилоят ҳокими Шуҳратбек Абдураҳмонов мажлис ўтказиб, мактаб ва коллеж ўқитувчилари, ўқувчи ва талабалари ҳамда тиббиёт ходимларининг дала меҳнатига жалб этилиши жиноят эканини билдирган эди.

«Элтуз»нинг Андижондаги мухбири айни пахта терими билан боғлиқ воқеаларни ўрганишда давом этмоқда.

Eltuz.com

Тағин ўқинг
11 феврал 2017
Халқаро меҳнат ташкилоти (ХМТ) 2016 йилги пахта йиғим-терими мавсумида болалар меҳнати ва мажбурий меҳнат мониторинги якунларига оид ҳисоботини эълон ...
19 октябр 2017
Франциянинг Mediapart интернет нашри томонидан қўлга киритилган ва European Investigative Collaborations (EIC) консорциумидаги ҳамкасбларига тақдим этилган махфий маълумотлар Ўзбекистоннинг ...
2 сентябр 2019
Ислом Каримов августдаги путч ва Ўзбекистон Мустақиллик декларациясини қабул қилганидан кейин ҳам СССР тарафдори бўлиб қолган. Айни икки воқеадан ...
15 апрел 2019
“Элтуз” сайти Тошкентдаги манбаларига асосланиб, олдинги ҳафтада Давлат активларини бошқариш агентлиги директори Нодир Жўраев Давлат хавфсизлик хизмати ходимлари томонидан ...
Блоглар
16 октябр 2019
Қўшиқчи Жаҳонгир Отажоновнинг икки кун олдин олиб қўйилган ижодий фаолият учун лицензиясини «Ўзбекконцерт» 16 октябрь ...
7 октябр 2019
Мен 10 кунлик қамоқдан уйга келган заҳотим интервью берганимда Шабнамнинг тақдиридан мутлақо бехабар эдим. Менинг ...
7 октябр 2019
Мажбуран руҳий касалликлар шифохонасига ётқизилган хоразмлик блогер Нафосат (Шабнам) Оллошукурованинг отаси Болтабой Оллошукуров қизининг соғлом ...