Кундалик
7 март 2018

Бобомурод Бош прокурор ва ИИВ раҳбарига қарши кўрсатма беришга мажбурлашгани ҳақида ариза ёзди

МХХ ҳибсхонасида қолаётган журналист Бобомурод Абдуллаев терговда қийноқларга солингани ҳақида 7 март куни адвокати Сергей Майоров орқали Ўзбекистон Бош прокурорига ариза ёзди.

Бобомурод ўз аризасида илгари Бош прокурор, эндиликда МХХ раҳбари Ихтиёр Абдуллаев ва ички ишлар вазири Бобожоновга қарши компромат олиш ва қилмаган жиноятларни бўйнига қўйиш учун МХХ терговчилари Тўрақулов, Веселев, Тимур ва тезкор ходимлар томонидан терговда қийноққа солингани ҳақида билдирди.

“Жаноб Бош прокурор, мен, Бобомурод Абдуллаевни Қобил, Мажид, Элмурод деган МХХ ходимлари 2017 йил 27 сентябрдан 5 ноябргача кўп марталаб қийноққа солдилар, урдилар, тан жароҳати етказдилар”, дея ёзади Бобомурод Абдуллаев Бош прокурорга киритган аризасида.

Шунингдек, у Ўзбекистон “Эрк” демократик партияси лидери Муҳаммад Солиҳга ва учинчи шахслар Аллоёров, Салаев, Насридиновларга қарши кўрсатмалар беришга ҳам мажбурланиб, қийноқларга солинганини билдирган.

Журналист Бобомурод Абдуллаев, блогер Ҳаëт Насриддинов, тадбиркорлар Равшан Салаев ва Шавкат Оллоëров устидан 5 март кунига белгиланган суд 7 март соат 14:30 га қолдирилган эди.

Бобомурод Абдуллаев Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган.

Орадан уч кун ўтиб, унинг ҳокимиятни ағдаришга уринишда айбланаётгани маълум бўлган эди.

«Элтуз» нашри Абдуллаевнинг суди билан боғлиқ жараёнларни кузатишда давом этади.

Eltuz.com

Тағин ўқинг
14 июн 2016
ШҲТ саммити яқинлашган сайин ўзбек ҳукуматининг ҳўжакўрсин тадбирлари кўлами ортмоқда. Расмийлар ўз ҳаракатларини Вазирлар маҳкамасининг “Тошкент шаҳри магистрал кўчаларини ...
20 октябр 2020
19 октябрь куни журналист Бобомурод Абдуллаев фейcбукдаги саҳифасида Бош прокурор Ниғматулла Йўлдошевга мурожаат қилиб, унга Давлат хавфсизлик хизмати терговчисининг ...
21 июн 2017
Президент Мирзиеев ташаббуслари билан ўзбекистонликларни ҳурсанд қилишда давом этмоқда. 15 июн куни, Шавкат Мирзиёев Туркманистонга сафари ортидан, республикада ҳам ...
19 декабр 2016
Таниқли хонанда Озода Нурсаидова 17 декабр куни ўзининг инстаграмм саҳифасида Шавкат Мирзиёевдан кечирим сўраши ҳақида ёзди ва сайловда унга ...
Блоглар
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...