Асосий мавзулар
23 март 2018

Бобомурод парадокси

Бобомурод Абдуллаевга қўйилган айбловлар ва бугун Ўзбекистонда рўй бераётган кўплаб ўзгаришлар ўртасида бир парадокс бордек.

Усмон Ҳақназаров тахаллуси остида ёзган мақолаларида Бобомурод Абдуллаев Ислом Каримов режимининг кирдикорларини, бу режим устунларининг жиноий фаолиятини очиб берди.

Бугун мазкур “устунлар”нинг аксарияти устидан бир вақтлар Бобомурод ошкор этган маълумотларга уйқаш айбловлар билан жиноят ишлари очилмоқда.

Бобомурод ҳам моҳиятан айнан шу маълумотларни оммага тақдим этиб, режим қилмишларини фош этгани учун судга тортилган.

Парадокс шунда. Жиноятчилар ҳам, уларнинг жиноятларини фош қилган журналист ҳам суд қаршисига олиб келинди.

Эътиборлиси шундаки, журналист мақолаларидаги маълумотларнинг аксарияти ўз исботини топяпти. У узоқ йиллардан буён айтиб келган кўплаб танқидлар (МХХнинг қонундан устун бўлгани, прокуратура, ички ишлар, солиқ ва бошқалардаги тотал коррупция ва ҳк) ҳозир деярли ҳар кун президент тилидан янграмоқда.

Бобомуроднинг мақолаларида тилга олинган коррупционерлар эса шу кунларда бирин-кетин “ичкари”га олиняпти. Бу жараён янада кучайиши мумкинлигини башорат қилишга асослар ҳам етарлича топилади.

Журналист мақолаларининг илк нишонларидан бўлган Гулнора Каримовага отаси қурган режимнинг емирилишини эркинликда кутиб олиш ҳам насиб этмади.

У ўз очкўзлиги орқасидан бошқа қудратли кучларга тегишли бизнесга дахл қилгани учун тузум чиғириқлари орасида янчиб ташланган илк нуфузли қурбон бўлди.

Режим ўз болаларини ея бошлади, дея тарифланган эди бу ҳолат ўша пайтларда.

Кейин эса МХХнинг Бобомурод мақолаларида жиноятлари фош этиб келинган мансабдорлари ака-ука Ҳаётхўжаевлар, Шуҳрат Ғуломов панжара ортига кетди.

Навбат собиқ бош прокурор Рашид Қодиров кланига етиб келди. МХХнинг яна кўплаб мансабдорлари бугун қонун олдида жавоб бераётир.

Журналистни айнан уларни фош этгани учун жавобгарликка тортиш махсус хизматларнинг ўз башарасини очиб беришига олиб келарди. Шу боис, оддий қаламкашга давлат тўнтаришига тайёргарлик кўриш айби ҳам тиркалди.

Албатта, бу айбловнинг қанчалик кулгили эканини кўпчилик сезиб турибди. Агар бу айблов йўққа чиқарилса, махсус хизматларнинг “юзи” қора бўлиши аниқ.

Энди суд олдида Бобомурод парадоксига қандай ечим топиш масаласи турибди. Бу жуда қийин дилеммага ўхшайди. Зеро, бу вазиятда ҳам “жабрланувчи”, ҳам “айбланувчи” томон панжара ортида турибди…

Сардор Азим
Eltuz.com

Тағин ўқинг
28 март 2019
Ушбу видео «Элтуз» мухбири Аюб Мингбоевнинг бир-бирини танимайдиган қатор тошкентлик тадбиркорлар билан суҳбатлари негизига қурилган “Шантажни асосий қуролга айлантирган ...
22 декабр 2016
“Ҳуррият” газетасида (21.12) босма нашрлар ҳақида чоп этилган мақола сарлавҳасини ўқиб, унда долзарб масала кўтарилган экан, деб ўйлашингиз мумкин. ...
15 август 2017
Пахта коалицияси Жаҳон банкига Ўзбекистонда мажбурий меҳнат тўхтамаëтгани борасида ўз ҳавотирини билдириб келади. «Мажбурий меҳнатга барҳам берилмагунига қадар, Жахон ...
25 ноябр 2019
Ўзбекистон президенти Шавкат Мирзиёев ниҳоят Тошкент шаҳри ҳокими Жаҳонгир Ортиқхўжаевнинг журналистларига таҳдидига ўз муносабатини билдирди. Гарчи унинг баёнотида айнан ...
Блоглар
6 январ 2020
АОКА блогер ва журналистларни сотиб олиши эмас, ҳуқуқий қўллаб-қувватлаши зарур. Унинг баёнотлари жуда кулгили. Ваколатлари ...
23 декабр 2019
Шарқий тақвим бўйича 2020 йил рамзи каламушдир. Каламуш йили шарқий тақвимнинг янги 12 йиллик циклини ...
19 декабр 2019
Ўзбекистонда аҳоли ўртасида 22 декабрь кунига белгиланган сайлов шаффоф, холис ва адолатли ўтишига ишонч анча ...