Асосий мавзулар
2 феврал 2019

Жаслиқ маҳкуми Искандар Худойбергановнинг аҳволи оғирлашди

Ўн саккиз йилдан ортиқ Ўзбекистоннинг Жаслиқ қамоқхонасида қолаётган 44 ёшли сиёсий маҳкум Искандар Худойбергановнинг аҳволи ўта оғирлашган. Бу ҳақда «Элтуз»га 1 февраль куни маҳкумнинг Швецияда яшаётган синглиси Дилобар Эркинзода хабар берди.

«Жаслиқдан келган миилция кийимидаги бир шахс (қамоқхона ёки ЖИЭББ (ГУИН) ходими) бугун амакимнинг уйига келиб, «Искандар Худайберганов қариндошингизми?» деб сўраган, яъни акам ҳақида суриштирган. Ҳа, деган жавобни олгач, «Мен унинг олдидан келяпман, аҳволи ўта оғир, жиддий касалланган, яқинларидан ким қамоқхонага бора олади?» дея сўрашган», деди Дилобар Эркинзода «Элтуз» мухбирига.

Бироқ амакиси билан фамилиялари бир хил бўлмагани сабабли ЖИЭББ ходими унга ва бошқа қариндошларига учрашув бермаслигини билдирган.

«Қамоқхона ходими амакимга чет элдаги яқин қариндошлари билан боғланиб, вазиятни тушунтиринг ва улар зудликда адвокат билан етиб боришсин қамоқхонага, дея тайинлаб кетишган», деди маҳкумнинг синглиси.

Дилобар Эркинзоданинг «Элтуз»га билдиришича, муаммони ҳуқуқий асосда ҳал қилиш учун улар Тошкентдан адвокат ёллашган. Швед жамоатчилиги, жумладан, Халқаро Амнистия вакилларига хабар етказилган.

Искандар Худойберганов 2002 йили Жиноят кодексининг 14 та моддаси, жумладан, жиноий уюшма тузиш, Ўзбекистон конституциявий тузумига тажовуз, террорчилик, қотилликда айбланган. Айбловга кўра, у «Ўзбекистон исломий ҳаракати» (ЎИҲ)га аъзо бўлган.

Судда иштирок этган «Ҳьюман райтс уотч» ташкилоти вакили Искандар Худойбергановнинг терговда калтаклангани, электр токи билан қийнашгани, МХХ ҳибсхонасига ўтказишганидан сўнг ухлашга қўйишмагани, «игнага ўтирғазишгани» ҳақидаги кўргазмаларини қайд қилган.

Дилобар Эркинзоданинг ўз акасини озод этиш учун олиб борган кампанияси кўп жиҳатдан 2008 йили Ўзбекистонда ўлим жазосининг бекор этилишига ёрдам берган эди.

«Ўлим жазосига қарши моратория» натижасида Худойбергановга белгиланган қатл, узоқ муддатли қамоқ жазосига алмаштирилганди.

Юзага келган сўнгги вазият бугунги кунда Швециядан сиёсий бошпана олиб яшаётган маҳкумнинг ота онаси ва ёлғиз синглисини жиддий ташвишга солмоқда.

Eltuz.com

Тағин ўқинг
3 август 2018
Тошкентда Йўл ҳаракати хавфсизлиги нозирлари йўлда рўмолли ҳайдовчи аёлларни тўхтатиб, уларга чора кўраётгани ҳақида хабар тарқалди. Рассом Туз Ўзбекистондаги ...
10 июл 2017
7 июл куни Тошкентдаги Халқаро пресс-клубда ўқитувчиларни, касбларига алоқасиз турли мажбурий меҳнатларга муттасил жалб этилиши масаласи кўтарилди. Журналистларнинг саволларига ...
14 апрел 2016
“Ҳуқуқ” газетаси ана шундай қўшмачилардан иккитаси қўлга олиниб, одам савдосида айланиб, қонуний жазога тортилганини маълум қилди. Ёзилишича, Бухоро шаҳрилик ...
12 ноябр 2015
Бугун 12 ноябр куни эрталаб 21 йил қамоқда бўлган, 4 марта раскрутка қилинган таниқли мухолифатдаги сиёсатчи Мурод Жўраев озод ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...