Асосий мавзулар
5 апрел 2019

ДХХ собиқ раиси Ихтиëр Абдуллаев ДХХ ертўласига кўчирилди

Жорий йилнинг 8 февралида ишдан олиниб, устидан жиноят иши очилган ДХХ собиқ раиси Ихтиëр Абдуллаев 4 апрель куни уй қамоғидан ДХХ ертўласида жойлашган тергов изоляторига олиб келинди. Бу ҳақда «Элтуз»га хабар берган ДХХ зобитининг аниқлик киритишича, Абдуллаев Мустақиллик майдонига яқин жойлашган собиқ МХХ биноси ертўласидаги ҳибсхонага келтирилган.

5 апрель – Давлат хавфсизлик хизмати куни байрамини собиқ раис ертўласида нишонлади, деб маълум қилди суҳбатдош.

«Ўзбекистон Республикаси Давлат хавфсизлик хизмати тўғрисида»ги қонун 5 апрель куни қабул қилинган. 2018 йилнинг 2 октябрида қабул қилинган «Ўзбекистон Республикаси Давлат хавфсизлик хизмати кунини белгилаш тўғрисида»ги қонунга мувофиқ, 5 апрель Давлат хавфсизлик хизмати куни этиб белгиланган эди.

Ҳозир айни ташкилот ертўласида қамоқда қолаëтган Абдуллаев МХХнинг сўнгги, Давлат хавфсизлик хизматининг эса биринчи раиси бўлиб ишлаган.

2019 йилнинг 11 февралидан буён Давлат хавфсизлик хизматига генерал-лейтенант Абдусалом Азизов раислик қилиб келмоқда.

Жорий йилнинг 8 февралида ишдан олиниб, устидан жиноят иши очилган ДХХ собиқ раиси Ихтиëр Абдуллаевнинг қариндошлари ва ҳамтовоқлари назоратга қолмоқда.

ДХХ раисининг божаси ва собиқ маслаҳатчиси Алишер Эшонхўжаев ҳибсга олиниб, тергов қилинмоқда.

Шунингдек, Тошкент шаҳри прокуратураси терговчиси Ашраф Эшонхўжаев, Ўзбекистон Бош прокуратураси департаментида бўлим бошлиқлигидан бўшатилган Ҳасан Эшонхўжаев ҳам ушланган. Бу собиқ мулозим қариндоши, ДХХнинг собиқ раиси Ихтиёр Абдуллаевга қарши кўрсатма бермоқда.

Айни пайтда бир йил муқаддам прокуратура тизимидан божхонага ўтказилган 28 амалдор ишдан четлатилиб, уларнинг баъзилари устидан жиноят ишлари қўзғатилди.

«Элтуз» нашри ДХХ собиқ раиси Ихтиëр Абдуллаев устидан очилган жиноят иши тафсилотларини кузатишда давом этади.

Eltuz.com

Тағин ўқинг
27 сентябр 2018
Тошкент вилояти Ички ишлар бошқармаси терговчиларидан бирининг “Элтуз”га маълум қилишича, Пскентда жазони ўтаётган 55 яшар Журъат Мелиқуловга ҳужум қилишга ...
12 ноябр 2019
Парламент сайлови олдидан “демократия ўйини” ўйнашга киришиб кетган партиялар раҳбарлари билиб-билмай жамиятнинг катта қатлами норозилигига сабаб бўладиган баёнотлар беришда ...
12 ноябр 2020
Сайловда ғалаба қозонган Жо Байден AҚШнинг навбатдаги президенти бўлди. Амалдаги президент Дональд Трамп мағлубиятини тан олишдан бош тортиб, кўплаб қонунбузарликлар ва ...
19 декабр 2016
«Халқ сўзи» газетаси (17.12) «Жаҳон» ахборот агентлигига таяниб Европа парламенти Ўзбекистон билан «тўқимачилик битими»ни ратификация қилиш учун овоз берганини ...
Блоглар
23 ноябр 2021
Янги миллий кутубхона қурилиши (янги миллий театр қурилиши ҳам) янги ва яп-янги Ўзбекистондаги энг кераксиз ...
21 ноябр 2021
Сиëсатчи бўлиш¸ сиëсатга кириш бугунги Ўзбекистонда бошни кундага қўйиш билан баробар. Бу ҳақда Жаҳонгирга ëзувдим ...
11 ноябр 2021
Халқаро журналист «Агнешкахон воқеаси» кўп саволларга жавобларни очиб берди. Келинглар, жонажон аккредитациядан бошлаймиз. Айнан уларни ...