Асосий мавзулар
4 август 2019

Аҳоли уйларини бузган Урганч ҳокими қамаладими?

Президент Мирзиёев 2 август куни ўтказган йиғилишда уйларни бузиш ишлари билан норозилик келтириб чиқарган ҳокимларни унинг сиёсатига хиёнат қилишда кескин айблади.

“Менинг сиёсатимга энг катта душманлик қилганлардан бири – Хоразм вилояти ҳокими жаноб Эрманов”, деди президент.

Шавкат Мирзиёевнинг сўзларига кўра, у Урганч шаҳри ҳокими Шуҳрат Абдуллаевни жиноий жавобгарликка тортмоқчи бўлганида айнан Хоразм вилояти ҳокими Фарҳод Эрмонов ўртага тушган.

“Сан жуда “адвокат бўлиб” ҳокимни, шаҳар ҳокимини жиноий жавобгарликка тортамиз, десам, бош вазиримиздан илтимос қилиб олиб қолдинг. Мана, сенинг менга қилган “дўстлигинг!” дея таъна қилди Мирзиёев Хоразм вилояти ҳокимига.

Президент Мирзиёев мажлисда бош вазир Абдулла Ариповга қайси ҳокимга қандай чора кўрилиши ҳақида таклиф тайёрлашни топширди.

Шунингдек, Хоразм вилояти ҳокими Фарҳод Эрмонов, Қашқадарё вилояти ҳокими Зафар Рўзиев, Фарғона вилояти ҳокими Шуҳрат Ғаниевни Интернетда чиқиш қилиб, айбни бўйинларига олиб, элдан кечирим сўрашларини талаб қилди.

“Интернетга чиқиб, бутун элга айтсин: Менинг аҳмоқлигим учун Ўзбекистонни ундай деб ўйламанглар, мен аҳмоқман, мен хиёнат қилганман, деб. Миллат эмас, мамлакат эмас, давлат эмас, деб. Керак бўлса, ўша блогерларни йиғсин ҳаммасини, блогерларга ўзлари ҳисобот беришсин”, – дея буюрди мулозимларига президент Мирзиёев.

“Элтуз” нашри шу йил 27 июлга ўтар кечаси Урганч шаҳрининг Ашхобод маҳалласидаги уйлари бузилган ва товон пули берилмаганидан ғазабга тўлган халқ ғалаён кўтаргани ҳақида хабар берган эди.

Eltuz.com

Тағин ўқинг
21 сентябр 2020
Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, тўдалашиб томоша қилиб видеога ...
6 сентябр 2016
Синглим кичкина раҳбар. Тўғриси Ўзбекистонда порасиз, илми, маърифати ва одамгарчилиги туфайли тайинланган саноқли боғча мудираларидан. Кечаси иккида ҳокимликдан телефон ...
30 август 2016
Президент Ислом Каримовнинг на ўлик, на тирик эканлиги давлат сири даражасида маҳфий, янги юртбошининг ким бўлиши ҳамон номаълумлича қоларкан, ...
28 декабр 2019
Келаётган йилнинг февраль ойида Ўзбекистон президенти Шавкат Мирзиёевнинг Россияга кутилаётган ташрифи чоғида мамлакат учун ҳаётий масалалар муҳокама қилинади.  Бу ...
Блоглар
15 октябр 2020
Ўнта роман ёзай, элликта шеърий тўпламим нашр этилсин, ёзганларим дунёнинг барча йирик тилларига таржима қилинсин, ...
24 сентябр 2020
Сўнгги пайтларда мендан энди мигрантларнинг тақдири қандай бўлиши ҳақида тез-тез сўрашмоқда. Айримлар Россиядан қайтаётган ишсиз ...
23 сентябр 2020
Шуҳрат Қаюмов мен таниган, мен мулоқотда бўлган санъаткорларнинг энг яхшиси, маданиятлиси эди. У киши билан ...