Асосий мавзулар
17 март 2020

Коронавирус тужжорлар чўнтагини қаппайтирди

Ўзбекистонга коронавирус пандемияси кириб келгани боис жорий йилнинг 16 мартидан карантин эълон қилиниши билан мамлакат бӯйлаб нарх-наво ошиши кузатилди.

Катта супермаркетларда, дӯконларда, бозорларда айрим озиқ-овқат маҳсулотлари, дорихоналарда эса оддий ниқоблар, шунингдек, такси хизматлари нархи кескин ошиб кетди.

Вилоятларга қатнайдиган такси ҳайдовчилари йӯл ҳақини 100 ва ундан кӯп фоиз ошириб юборгани кузатилди.

Масалан, Тошкент-Андижон йӯналиши бӯйича қатновчи таксилар йӯл ҳақини 80 минг сӯмдан 200 минг сӯмга, Фарғона таксичилари 70 минг сӯмдан 200 минг сӯмга, қӯқонлик такси ҳайдовчилари эса 55 минг сӯмдан 150 минг сӯмга оширишди.

Ижтимоий тармоқларда ушбу воқелик кескин мунозараларга сабаб бўлди.

“Элтуз” мухбири ушбу вазият бўйича Ӯзбекистон Давлат солиқ қӯмитаси раисининг биринчи ӯринбосари Абдулла Азизовга мурожаат қилди.

“Элтуз” мухбирининг “Қӯмита нарх-наво ошишига қарши қандай чора-тадбирлар кӯрмоқда?” деган саволига Абдулла Азизов нархларни ӯзбошимчалик билан оширишнинг олдини олиш бўйича Давлат солиқ қўмитаси ва унинг ҳудудий тузилмалари раҳбарлари бошчилигида ишчи гуруҳ тузилганини таъкидлади.

Азизовнинг “Элтуз”га билдиришича, бу гуруҳлар деҳқон бозорлари ва супермаркетларда ҳамда қишлоқ хўжалиги маҳсулотлари етказувчи субъектларда бевосита мониторинг ўтказмоқда.

Шу билан бирга, гарчи аҳоли истеъмоли учун озиқ-овқат ва маҳсулотлар етарли даражада бӯлса-да, одамлар деҳқон бозорлари ва дўконлар пештахталаридан маҳсулотларни истеъмол меъёридан кўп ҳажмда харид қилиб, айрим инсофсиз тадбиркорлик субъектлари тегирмонига сув қуйишига, билиб-билмаган ҳолда нархларни ошириб юборишга сабабчи бӯлиб қолишмоқда.

“Ӯзим Тошкентдаги “Эски жува” ва “Аския” деҳқон бозорларида уч соат давомида мониторинг ӯтказдим. Кӯпчиликка вазиятни тӯғри тушунтирганимдан кейин харид қилишга чоғланган харидорлар 10 кг картошка ӯрнига 5 кг.дан картошка сотиб олди. Ҳозир ҳаммамиз бирга ишлаб, одамларни тинчлантиришимиз керак”, деди Азизов “Элтуз” мухбири билан суҳбатда.

Eltuz.com

Тағин ўқинг
24 октябр 2016
Пахта теришга одамларнинг мажбур қилинмаслиги ёлғон эканини, бугун ёш бола ҳам билади. Гарчи кўчаларда “Пахта теримида мажбурий меҳнат ҳолатларига ...
12 май 2016
Ўтган жума куни Истанбулда ўз дўстининг туғилган кунини нишонлаш учун кунлик уй киралаган 19 яшар турк қизи ўша уйда ...
10 феврал 2020
Ўзбекистоннинг туризмни иқтисодиётнинг энг муҳим тармоқларидан бирига айлантириш сиёсати қўшни давлатларда ҳам сайёҳлар сони тобора ортиб боришига сабаб бўлмоқда. ...
25 октябр 2016
Ислом Каримов ҳукмронлигининг гуллаб-яшнаган даврида халқ шоири даражасига эришган “омадли” шоирлардан бири Иқбол Мирзо шамол қаёққа эсаётганини кўпчилик ижодкорлардан ...
Блоглар
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...
4 август 2020
Ўзбекистонда турли матнларда, контекстларда, ҳатто расмий ҳужжатларда кўп ишлатиладиган “буюк аждод” тушунчасидан воз кечиш керак, ...