Cатира
5 май 2020

ИИВ ўз ходимларини ҳақорат қилган Юлдуз Усмоновага чора кўрилишини билдирди

Халқ артисти Юлдуз Усмонованинг хатти-ҳаракатлари ва ички ишлар ходимларини ҳақоратлагани юзасидан маъмурий ишлар бўйича Мирзо Улуғбек тумани суди шуғулланмоқда.

Юлдуз Усмоновага нисбатан Маъмурий жавобгарлик тўғрисидаги кодекснинг 41-моддаси (ҳақорат қилиш) ёки 183-модда (майда безорилик) билан иш очилган.

4 май куни Ички ишлар вазирлиги Юлдуз Усмонова иштирокидаги видеотасвир юзасидан баёнот бериб, “жамиятда юриш-туриш қоидаларини қасддан менсимаган” хонандага қонуний чора кўрилиши ҳақида билдирган эди.

“Ю.Усмонова барча ички ишлар органлари ходимларини уятли сўзлар, обрўсизлантирувчи уйдирмалар ва беодоблик билан қасддан ҳақорат қилган”, дейилади ИИВ баёнотида.

Юлдуз Усмонованинг ички ишлар ходимларига маломатлари 2 май куни Тошкентда Сардоба тўғони ёрилиши жабрдийдаларига гуманитар ёрдам етказиб бериш ишларига бош-қош бўлаётган пайтда видеога ёзиб олиниб, хонандага тегишли каналлар орқали тарқалган.

Кўп ўтмай хонанда кечирим сўрагани акс этган видеосини эълон қилди, бироқ бу Ички ишлар вазирлигининг унга чора кўрилиши ҳақидаги қатъий баёноти чиқишига монелик қилмади.

“Мазкур ҳолат юзасидан Тошкент шаҳри ИИББ томонидан маданият ходими номига доғ туширган, жамиятда юриш-туриш қоидаларини қасддан менсимаган, ички ишлар органлари ходимлари шаъни ва қадр-қимматини камситишга ҳаракат қилган фуқаро Ю.Усмонованинг хатти-ҳаракатларига ҳуқуқий баҳо бериш мақсадида суриштирув ишлари амалга оширилмоқда.

Иш якуни бўйича ҳолатга ойдинлик киритилиб, айбдорларга қонуний тартибда чора белгиланади”, дейилади ИИВ баёнотида.

Ўзбекистон халқ артисти Юлдуз Усмонова инстаграмдаги “жонли ёйин”да ички ишлар ходимлари халқнинг қийин кунида асқотмаётганидан нолиркан, уларга қарата: “ҳозир Каримовнинг даврида яшамаяпсизлар ҳар куни клизма олгани”, дея ўшқирган эди.

Ўзбекистон Маданият вазирлиги “жонли ёйин”да милицияни кескин танқид қилган хонанда Юлдуз Усмоновага эътироз билдирди.

“Юртимизга келган синовлар пайтида Юлдуз Усмонова томонидан билдирилган фикрлар ноўриндир, шунингдек, санъаткорнинг хабари бўлмаса керак, икки ой давомида ўз оиласи ва уйига ҳаттоки бормаётган ички ишлар ходимлари ижтимоий тармоқларда нолишаётгани йўқ”, дейилган вазирлик хабарномасида.

Eltuz.com

Тағин ўқинг
3 апрел 2018
Олий Мажлис Сенатида 29 март куни Давлат хавфсизлик хизмати (ДХХ) раиси Ихтиёр Абдуллаев Ўзбекистонга ҳавф солаётган исломий таҳдид ҳақида ...
30 ноябр 2015
Дўстлик тумани ТИИБ терговчиси Ориф Анорбоев кимдир маслаҳат учун пул тўлаганлигини билиш учун Ўктам Пардаевга ёрдам сўраб мурожаат қилган ...
26 март 2018
Президент Мирзиёев 23 март кунги йиғилишда матбуотни мақтамасликка, бор ҳақиқатни кўрсатишга чақирди. “Мақтаманглар. Мақтайдиган даврлар ўтиб бўлган. Раислар билан ...
7 ноябр 2019
Фарғона вилоятида давлатга қарашли мол-мулкнинг талон-тарож қилиниши, яъни атайин арзон нархларда хусусий қўлларга ўтишида вилоят ҳокими Шуҳрат Ғаниевнинг ҳам ...
Блоглар
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...