Кундалик
10 август 2020

Журналист Бобомурод Абдуллаев ҳибсга олинди

Ўзбекистонлик журналист Бобомурод Абдуллаев жорий йилнинг 9 август кечаси Қирғизистон Миллий хавфсизлик давлат қўмитаси ходимлари томонидан Бишкекда қўлга олинди.

«Элтуз» олган маълумотларга кўра, Абдуллаевни Бишкек кафеларидан бирида ушлашган. 10 август куни Бишкекда унга эҳтиёт чораси белгилаш юзасидан суд бўлиб ўтиши кутилмоқда.

Маълумотларга кўра, журналист Абдуллаев Қирғизистонга Марказий Осиёдаги Америка университети таклифи билан 4 ойлик ўқишга келган.

Эслатиб ўтамиз, журналист Бобомурод Абдуллаев 2017 йилнинг 27 сентябрида МХХ томонидан ҳибсга олиниб, ўз журналистик фаолияти учун тергов қилинган.

Судда у Усмон Ҳақназаров тахаллуси остидаги аксарият мақолалар муаллифи эканини тан олган, бироқ мақолаларда давлат тўнтаришига чақириқ бўлганини рад этган.

Шу билан бирга, у тергов давомида ўзига нисбатан қийноқ қўлланилганини қайд этган.

2018 йилнинг 7 майида жиноят ишлари бўйича Тошкент шаҳри суди Бобомурод Абдуллаевни Жиноят кодексининг 159- моддаси 1- қисми, “б” бандида назарда тутилган жиноятни содир этганликда айбдор топиб, 3 йилга ахлоқ тузатиш ишларига жалб этиш жазоси тайинлаган ва суд залидан озод қилган эди.

Eltuz.com

Тағин ўқинг
29 октябр 2018
Сўнгги олинган хабарга кўра, «Америка овози» радиосининг Истанбулда ҳибсга олинган, Малик Мансур тахаллуси остида ишлайдиган 49 ёшли мухбири Абдумалик ...
11 май 2020
Бир манзара ҳеч эсимдан чиқмайди. Адашмасам, 1996 йиллар эди. Ўрда бозорида пайпоқ оламан деб, расталар оралаб юргандим. Бир жойда ...
4 март 2016
Ўтган февраль ойида ҳам Ўзбекистон телеканаллари “эски ашулалари”ни баралла куйлашдан чарчамади. Яъни телеканалларнинг бош мавзулари яна ўша “маънавиятни юксалтириш”, ...
17 март 2021
Андижон давлат университетининг олти ходимида коронавирус аниқлангани ҳақида хабарлартарқалди. АДУдаги манбанинг “Элтуз”га айтишича, аслида касаллик юқтирган талаба ва ходимлар сони бундан ҳам кўп бўлиши ...
Блоглар
22 сентябр 2021
Эрталаб болани мактабга қолдириб, пиёда ишга келаман. Қулоқда Шер аканинг “Аввалғиларға ўхшамас” қўшиғини қўйиб олиб… ...
14 сентябр 2021
«Ота-она билан бирга нонушта қилиш, неваралар қуршовида бўлиш, бир пиёла чой устида суҳбатлар... Сиз-чи, бугун ...
9 сентябр 2021
6 cентябрдан Ўзбекистон олий ўқув юртларида янги ўқув йили бошланди. Айни пайтда вилоятлардан пойтахтга келиб ...