Асосий мавзулар
21 сентябр 2020

Ўзбек ТВ АҚШ киносини “маънавият” рамкасига тиқиб, аëлларни камситди

Аёллар дискриминацияси ва гендер тенгликка қарши ҳаракатлар аввал масжидларда, ички ишлар ходимлари орасида (аёлларни ечинтириб, тўдалашиб томоша қилиб видеога олишлар), кейин ТВ каналларимизда аллақачон бошланиб бўлган эди.

Аёллар қандай кийиниб, қандай ўтириб, қандай гапириши кераклиги-ю, сочини қаеригача ўстириб, қаерини беркитишгача диний маъруза-ю, диск ва китоблар шу даражада кўпайиб кетган эди-ки, бундан одамнинг кўнгли айниётган эди.

ТВ да эса тахминан бир йил олдин бир ҳолатга эътибор бердим. Чет эл кино ва сериалларига овоз берилаётганда эркакка аёлни сенсиратиб, аёлга эса эркакни сизлатиб овоз беришяпти.

Кино АҚШники!!! Аёл ва эркак шунчаки ҳамкасблар!!! Ёш бир хил!! Лекин аёл эркакка “ака” деб, сизлаб мурожаат қиляпти. Эркак эса уни сенсираб гаплашяпти))). Ва кинонинг охиригича шу аҳвол.

Бошқа каналларда ҳам айни шу ҳолат, чет эл киносими, ўзимизникими, фарқи йўқ. Ҳаммасида аёл эркакни сизлаяпти, эркак молга ўхшаб аёлни сансираяпти (эътибор бермаганлар, бир кузатинг). “Муносабат” кўрсатуви ҳам бунга бир мисол.

Бу нима? Янгича маънавиятми? ЎзТВга бунақа ўта илғор ғояларни ким беради?

Ўзи йигити ёки эрини сизлаш, уям етмагандек, уни “ака” дейишдек ғалати одат фақат битта бизда бор.

Қозоқ, туркман, туркларда, ҳатто арабларда ҳам йўқ бу одат (ёш ўртасида катта фарқ бўлса ҳам).

Майли, бизда нимадир бўлиб, шу одат эркак ва аёл муносабатларига шартли омил бўлиб кириб қолган, лекин чет элдаги йўқ нарсани бизга бор қилиб кўрсатишнинг нима кераги бор?

Эркак кишига ишонтириляптими? Лекин охирги воқеалар (Мустаҳкамни ҳимоя қилиш) аёллар учун кўпроқ аёллар курашаётганини кўрсатди.

Эркакларни доим ҳурмат қилиш ва уларга доим итоатда бўлиш кераклиги уқтирилмоқдами?

Лекин натижа тескари.

Ёки гендер тенглик кимларгадир жуда-жуда ёқмаяптими?

Юритилаётган сиёсатга зид, тушунарсиз ва бачкана ҳолат ва у авж оляпти.

Нодира Муса Исмоил

Блогер

Тағин ўқинг
3 январ 2017
Турк матбуотига кўра, террорчи хотини ва икки фарзанди билан 2016 йилнинг 20 ноябр куни Қирғизистондан Истанбулга учиб келган. Матбуот ...
4 апрел 2017
4 апрелга ўтар кечаси тунда Фарғона вилоятининг Бувайда туманига қарашли Янгиқўрғон шаҳарчасидаги Марказий деҳқон бозорида ёнғин чиқди. Воқеа гувоҳларининг ...
3 октябр 2017
СНБ ни 2003 йилдан бери фош қилиб келаëтган Усмон Ҳақназаров 27 сентябрдан бери МХХ подвалида судсиз, сўроқсиз, сақланаётган Бобомурод ...
14 феврал 2016
Ёзувчилар уюшмаси эксперт гуруҳи қарори билан, “президент кўрсатмасига амал қилмаганлари”, “мамлакатда кечаётган улуғвор ишларга дахлдорлигини ҳис этмаганлари учун” ҳайдалганлар ...
Блоглар
18 январ 2021
Бор эканда йўқ экан, оч эканда тўқ экан, яқин-яқин замонларда ёт босқинчиларнинг юз йилдан кўпроқ ...
13 январ 2021
Кun.uz профессионалларни ишга қабул қилар эмиш. Катта маош, икки маҳал овқат. Сиҳатгоҳнинг ўзи-я! Бундай ишхонани ...
11 январ 2021
Таниқли шоир Баҳром Рўзимуҳаммад 60 ёшда Баҳром ака индамайгина олтмишга кирибди. Ботинан қаралганда, ундай эмас. ...