Асосий мавзулар
25 январ 2021

Америкаликларга эътибор бор, хонободликларга йўқми?

AҚШ президенти Дональд Трамп лавозимидан кетишидан аввал Ўзбекистондаги Қарши шаҳри яқинида жойлашган Хонобод ҳарбий базасида хизмат қилган ҳарбийларга тўлиқ тиббий кўрикдан ўтиш имкониятини тақдим этиш тўғрисидаги фармонни имзолади.

Фармонга мувофиқ, AҚШ Мудофаа вазирлиги 2001 йилдан 2005 йилгача Ўзбекистонда хизмат ўтаган 10 мингга яқин ҳарбий хизматчининг соғлиғига заҳарли моддалар таъсирини ўрганиши лозим. Шунингдек, ҳарбийлар компенсация олиш ва давлат томонидан даволаниш харажатларини қоплатиш ҳуқуқига эга бўлади.

AҚШ Мудофаа вазирлиги томонидан махфийликдан чиқарилган ҳужжатларга кўра, Ўзбекистонда хизмат қилган аскарларнинг деярли барчаси асбест, авиаёқилғидан чиққан асабни фалажловчи газлар ва ҳатто “кимёвий қуролларни зарарсизлантириш, ракета омборларидаги портлашлар, шунингдек, ташландиқ авиаёқилғи омборлари” сабаб тупроққа тушган кучсизлантирилган урандан заҳарланган бўлиши мумкин, дейилади сенаторлар Ричард Блументал ва Тэмми Болдуин баёнотида.

АҚШнинг Ўзбекистондаги ҳарбий хизматчилари заҳарланиши бўйича илк текширув 2001 йилда ўтказилган эди. Ўшанда базанинг эски омборларида асабни фалажловчи газ ва авиация ёқилғисига ўхшаш қорамтир, шилимшиқ модда топилган эди. Ўзбекистон вакиллари ушбу кимёвий моддаларнинг мавжудлигини илгари базада совет кимёвий қуроллари омбори бўлгани билан изоҳлаган.

Аммо ўша вақтда AҚШ Мудофаа вазирлиги бу ҳолат бўйича ҳеч қандай чора кўрмаганди. Чунки таҳлил натижалари заҳарли моддалар даражаси у қадар юқори эмаслигини кўрсатганди.

AҚШнинг Фахрийлар ишлари департаменти веб-сайтида собиқ аскарлардаги саратон касаллигининг Хонобод базаси ҳудудида заҳарланиш билан боғлиқлигини исботловчи маълумотлар етарли эмаслиги ҳақида хабар мавжуд.

Фахрийларнинг тиббий тарихини мустақил ўрганиш натижалари кўрсатдики, Хонободдаги ҳарбий базада хизмат қилган собиқ ҳарбийларнинг 14 фоизида турли саратон касалликлари бор. Бундан ташқари, яна 20 фоиз ҳарбийнинг соғлиғида бошқа жиддий муаммолар мавжуд.

Эҳтимолий заҳарланиш / нурланишнинг маҳаллий аҳоли соғлиғига таъсирини ким ўрганади? Умуман, мамлакатда радиация даражаси ва саратон билан касалланиш ўртасидаги боғлиқлик бўйича тадқиқотлар қилинадими?

eltuz.com

Тағин ўқинг
25 феврал 2016
Агар Навоий тирик бўлганида бугунги ўзбек кинолари ҳақида нима дер эди. Ҳар ҳолда тасанно айтмаган бўлар эди. Масалан Ўзбекистонлик ...
30 январ 2019
Швециядаги «Экспрессен» интернет нашри 28 январь куни мамлакатдан Ўзбекистонга депорт қилинаётган навбатдаги ўзбек оиласи ҳақидаги мақолани чоп қилди. Ғаффоровлар ...
18 май 2017
Британияда яшаётган, 69 ёшн ўзбек профессори Аҳмад Ҳожи Хоразмий бир соатлик қўшиқлари дастасини ютуб каналига қўйди. Дам тор, дам ...
9 апрел 2023
Жунаидхоннинг Россия билан ушбу келишуви Хива хонлигининг Тахта қалъасида имзолангани учун “Тахта шартномаси” дея тарихга кирган. Битим Совет ҳукумати Хива ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...