Биздан Жиз: Швециялик ўзбекларнинг Аброр Алийга жавоби

Швециядаги улфатлар таклифи билан якшанба кунги шашликхўрлик ўз ўзидан сиёсий мавзуга кўчди. Ва мен мезбонлар изни билан сухбатни Элтуз канали мухлислари билан баҳам кўриш учун видеога олишга киришдим.

Мавзуга Ўзбекистоннинг Швециядаги элчихонаси олдидаги норозилик пикети ва бу ҳақда ўзбекистонлик диний мутаассиб Аброр Мухтор Алийнинг швед ҳукумати ва ўзбек мухожирлари шаънига ёғдирган ҳақоратли гаплари сабаб бўлди. 

Швециядаги диний фаоллар Ўзбекистонда турмада қолаётган 22 нафар маҳкум озодлигини талаб қилиб ўтган ҳафта Ўзбекистоннинг Стокгольмдаги элчихонаси олдида норозилик пикети уюштиришган. Аброр Мухтор Алий бунга муносабат билдириб:

«Мусулмонларнинг Швеция каби кофирлар давлатидан ёрдам сўрашга ҳаққи йўқ!» деган эди. Холбуки швециядаги норози ўзбеклар Ўзбекистон элчихонасига мурожаат қилишган. Суҳбатдошларим Мухтор Алий иддаоларидаги шу ва бошқа зиддиятларга эътибор қаратишди.   

Шашлик атрофидаги сухбат асносида Швециядаги ўзбек фаоли Дўстназар Худойназаров сиёсий кулинарияга асосланган «Биздан жиз» кўрсатувини  кенгайтирилган шаклда давом эттиришни таклиф қилди.   

Швециянинг серқуёш, бағри кенг осмони ҳақида гапимиз тугамай ёмғир қуйиб берди. Шу пайтгача йиғиб қўйилган соябонни ёйишга тўғри келди.

Шашликка анча тўйиб қолдик. Аммо гапимиз тушамади. Агар шундай суҳбатлар Элтуз мухлисларига ёқса ва Швециялик улфатларимда уларнинг фикрини қоғозга ўрамай узатишга эътироз бўлмаса бундай кўрсатувларни келгусида давом эттиришимни айтиб хайрлашдим.  Видеолавҳамиз билан танишинг.  

Қудрат Бобожон,

Eltuz muharriri