Кундалик
20 сентябр 2015

Урлаева қамоққа олинди!

“Ҳокимият томонидан ерим ноқонуний тортиб олиб қўйилди” деган шикоят билан ўтган йили Тошкент вилоятининг Қуйи Чирчиқ туманида истиқомат қилувчи Қамчибеков Шерзод исмли фермер “Альянс” инсон ҳуқуқларини ҳимоя қилиш ташкилоти етакчиси Елена Урлаевадан кўмак сўраб келган эди.

То шу кунга қадар Елена Михайловна фермер Ш. Қамчибековнинг паймол бўлган ҳуқуқларини ҳимоя қилиб келди. Қонунни назорат қилувчи юқори идораларга, жумладан, Республика прокуратурасига шикоят аризалар киритди.

Бугун, 2015 йилнинг 19 сентябрь, шанба – дам олиш куни Шерзод Қамчибеков “Бизда дарё бор, балиқ тутамиз” дея Урлаевани оиласи билан “балиқ ови”га таклиф этади.
Табиатан кўнгли очиқ бўлган аёл ҳеч бир нарсадан ҳадик қилмай, турмуш ўртоғи Мансур Машаривоф билан биргаликда Қуйи Чирчиққа дарё бўйига чиқади.

Урлаеванинг телефон орқали тезкор ва қисқа хабарига таянадиган бўлсак, кеч, тахминан соат 18.30 ларда “қандайдир йўқолган балиқ тутувчи қармоқни ўғирлаганда” айбланган Елена Урлаева, Мансур Машарипоф ва фермер Шерзод Қамчибековлар Қуйи Чирчиқ туман ИИБ ходимлари томонидан хибсга олинади.

Айни дамда Е. Урлаева, М. Машарипов ва Ш. Қамчибековлар Қуйи Чирчиқ ИИБсида, алоҳида-алоҳида камераларда сақланмоқда.

Қамоққа олинган шахслар билан алоқа узилган.

Ўзбекистондаги ҳуқуқ фаолларига “Қамоққа олиш тадбири уюштирилган бўлиши мумкин” деган тахминда.

Гумонимизча, балиқ овига чиққан Елена Урлаевага аслида, куч ишлатар тизимлар қармоқ ташлашган кўринади. Кўриниб турибдики, бу гал куч ишлатар тизимларининг қармоғига каттароқ “ўлжа” илинган.

Малоҳат Эшонқулова,
мустақил журналист

Тағин ўқинг
16 ноябр 2018
Путиннинг Ўзбекистонга ташрифидан кўп ўтмай, мамлакат Украинадан дори-дармон импортини тўхтатди. Украин нашрлари сўнгги бир неча ҳафта давомида фармацевтика маҳсулотлари ...
11 апрел 2017
Март ойининг охирларида рус тилида чиқадиган Uzmetronom сайти “ишончлик манбалари”дан иқтибос қилиб, Ўзбекистон электрон оммавий ахборот воситалари миллий ассосиацияси ...
8 март 2016
Ўзбекистонда чиқаётган газеталар саҳифасига “юксак ислоҳотлар самараси” сифатида оналар ўлими камайгани, коллеж битирувчиларининг уй ишларига “банд” қилинаётгани, ўзбек ҳукуматининг ...
21 август 2017
Маркази Берлинда жойлашган Ўзбекистон-Германия Форуми (UGF) 21 август куни Ўзбекистондаги мажбурий меҳнатга қарши янги анимацион роликни тақдим этди. Анимация ...
Блоглар
19 ноябр 2019
Матбуот хизматлари ва жамоатчилик билан алоқалар соҳаси бўйича таҳлиллар рукнимизнинг янги сонига катта эҳтиёж пайдо ...
14 ноябр 2019
Кеча Лоланинг клипидан сўнг қўштирноқ ичидаги «маънавият» яна долзарб мавзуга айланди. Кўпчилик Лоланинг «исён»ини олқишлаган ...
6 ноябр 2019
Яқинда “Шарқ зиёкори” китоб дўконидан улуғ рус ёзувчиси Лев Толстойнинг “Жахон бестселлерлари” ( аслида “жаҳон” ...