Кундалик
19 феврал 2016

Арамаис Авакян 7 йиллик қамоққа хукм қилинди

Эрталаб соат 9 га белгиланган суд мажлиси, соат 10 да бошлангани эълон қилинди. Судланувчиларнинг ташқарида кутиб турган яқинлари, эшик оғаларнинг текширувидан ўтиб, суд залига қўйила бошлаганида, бирданига суд бошлангани эълон қилинди ва эшиклар тақа тақ ёпилди.

Арамаис Авакяннинг рафиқаси Ширин Турсинова, судланувчи Фурқат Жўраевнинг ота онаси, хамда АҚШ элчихонасининг вакили Антон Купер ва унинг ёрдамчиси ташқарида қолиб кетишди. «Менинг ёлворишларим. Фурқатнинг онаси Махкам опанинг йиғлаганлари бефойда бўлди, бизни ичкарига қўйишмади. Суд бошланиб қолди, халақит берасизлар дейишди» деди Eltuz.com билан сухбатда Ширин Турсинова.

Ичкарига кира олмаганлар узоқ кутишмади. Эшиклар ёпилганидан сўнг. Орадан 10 дақиқа ўтгач, хамма ташқарига чиқиб келди.

«Судья 10 минутда хукмни эълон қилибди! 13 нафар судланувчининг такдири 10 дақиқада хал бўлди!» дейди киноя билан судланувчиларнинг яқинларидан бири.

Дархақиқат, судья Аскар Мамарахимов 10 дақиқа мобайнида 13 нафар судланувчига ўз хукмини эълон қилди.

Унга кўра, Арамаис Авакян 7 йил, Фурқат Жўраев 12 йил қамоқ жазоси олди. Бектемир Умрзоқов 6 йил, Дилшод Алимов ва Акмал Маматмуродовлар 5 йилу 6 ой қамоққа хукм қилинган.

Олинган маълумотларга кўра, ушбу «жиноий иш» иштирокчиларнинг бир нечтасига, 3, 4 йилгача иш хақидан давлат хисобига маълум фоиз ушлаб қолишни кўзда тутувчи жазо қўлланилган ва суд залидан озод қилинган.

Eltuz.com cайти хозир бўлиб ўтган суд ва ўқилган хукм бўйича тўлиқроқ маълумотларни ўз манбааларидан йиғмоқда ва яқин соатларда аниқлаштирилган ва тўлиқ тафсилотларни эътиборингизга йўллаймиз.

Улуғбек Ашур
Eltuz.com

Тағин ўқинг
21 январ 2019
Zeromax компаниясининг собиқ раҳбари Миродил Жалоловнинг озодликка чиқарилиши Ўзбекистон президенти Шавкат Мирзиёевнинг Германияга расмий ташрифига боғлиқ бўлиши мумкин. Мазкур ...
2 декабр 2019
Қирғизистон миллий тасвирий санъат музейи директори Мира Жангарачева феминнале кўргазмасини ташкил қилгани учун ишдан олинди. Бу ҳолатни қирғиз матбуотига ...
15 июн 2016
15 июндан 25 июнгача, Қирғизистон, Тожикистон, Қозоғистон ва Туркманистондан Ўзбекистонга одамлар, юклар ва транспорт воситаларининг ўтиши тўхтатилади. Ўш вилоятининг ...
13 апрел 2018
Яқин танишимнинг қизи рус мактабида ўқийди. Ўзбек мактабларида таълим бериш сифати пастлиги боис фарзандини шу мактабга берган. Шундай бўлса-да, ...
Блоглар
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...
18 май 2020
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...