Ёнингдамиз, Туркия!

Анқарада юз берган портлаш кўп қатори менинг ҳам юрагимни эзди. Турклар ва Туркия учун камситиш бўлган юз йил бурунги Лозан битими тугаши арафасида номард Дунё яна Туркия устида фитналар уюштира бошлади.

Туркиянинг тўлақонли мустақил бўлишини, эркин сиёсат юритишини истамайдиган халқаро кучлар 2023 йил яқинлашган сари чидамаяпти, империалистларча олчоқ сиёсатларини яна қайтадан авж олдиришяпти.

Лекин улар ўртада Оллоҳни кўришмаяпти. Ўзларича бирнималарга эришишмоқчи, аммо Оллоҳ уларга изн бермаслигини билишмаяпти. Бугун Туркия эски Туркия эмас! Ҳатто 15 йил бурунги Туркия эмас! Бугун турк халқи уйғонган, Оллоҳни таниган, динини қаттиқ ушлаган, дўст билан душманни ажратиб олган миллат! Осонликча ем бўлмайди, иншаоллоҳ.

Бунинг устига дунёдаги туркий ва мусулмон халқлар ҳам Туркияни ёлғизлатиб қўймайди, деб ўйлайман.

Бундай оғир кунингда биз сенинг ёнингдамиз, Туркия! Сенинг қайғунг бизнинг қайғумиз! Кўзингдан ёш чиқмасин, титрама, оёқда қаттиқ тур, эй турк миллатим!

Нуруллоҳ Муҳаммад Рауфхон
Eltuz.com