Асосий мавзулар
24 март 2016

Оғзим бор деб…

Халқ (тўғрироғи, халққа масъуллар) бутун хаёли байрам билан бўлиб, ғам-ташвишини унутди гўё.

“Ҳуррият” газетаси ҳам шу шодиёнларга қанот бағишлаш ниятида бўлди шекилли, “Дилдаги гаплар” рукни остида ўз муштарийсининг қишлоқ ва туманлардаги ўзгаришлардан завқи тошган пайтда келган илҳоми натижаларини эълон қилди.

Хуллас, Навоий вилоятининг Қизилтепа туманилик муштарий Бухорода ўқигани, тумандош бир курсдошининг тўйига айтувчиликка тайинлагани, шаҳарлик дўстини тўйга айтганида у шодиёна ҳовлида ўтадими деб сўрагач, ресторанда деган жавобни олиб, “сизларда ҳам ресторан борми”, деб киноя қилганидан ёзғиради.

Тайинки, шаҳарлик дўст тўйга келгач, бу ердаги “улкан ўзгаришлар”ни кўриб, уялиб қолган.

“Мен туман, қишлоқ деганда кўчалари лой, уйида тезак ёқадиган… одамлар яшайдиган жойни тушунардим”, деган олдин айтган гаплари учун изза бўлиб қолган бечора шаҳарлик дўст.

Албатта, аслида нафақат қишлоқлар, балки катта-катта айрим шаҳарларда ҳам аҳвол бундай оғиз кўпиртиришлар ноўрин эканлигини кўрсатиб турса-да, газета таҳририяти расмийларга ёқадиган ёлғонни жон-жон деб ўз саҳифасига жойлаштирган.

“Ҳуррият” мухлисининг кейинги ёзганлари янада энсани қотиради. У хорижга бориб келган таниши билан гаплашгани, таниши ўша мамлакатда болаларнинг кўпчилиги эски мактабларга боришини, ҳатто чекка жойларида мактаб қулаб тушай деб туришини айтганини таъкидлайди.

Шундай гапларни айтган таниши: “Ўзбекистондек гўзал, фаровон, тинч мамлакатни ҳеч қаердан топа олмаслигимни тушуниб етдим”, деб хулоса қилади.

Аслида Ўзбекистон матбуотидаги бундай гаплар янгилик эмас. Аммо наҳотки газета таҳририяти халқ шундай ёлғонларга ишонади, деб ўйлайди? Ёки бу ёзувлар расмийларнинг ёлғонга бўлган эҳтиёжини қондириш учун чоп этиладими?!

Eltuz.com

Тағин ўқинг
7 март 2018
Тошкент шаҳри судида 7 март куни бошланган биринчи суд йиғилиши Бобомурод Абдуллаевга терговда қўлланилган қийноқ аломатларини аниқлаш ва экспертиза ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва моддий ўтказмалардан ноқонуний фойдаланиш” ...
2 июл 2018
Июлдан бошлаб Ўзбекистонда ароқ қимматлади. ЎзА хабарида бунга президент Мирзиёевнинг спортга оид 5 мартда чиқарилган қарори сабаб бўлгани айтилмоқда. ...
14 январ 2016
Ўзбекистонда деярли 100 фоиз тадбиркор банкларга ишонишига ишонасизми? “Миллий тикланиш” газетасининг ёзишича, “Ижтимоий фикр” жамоатчилик маркази ўтказган сўровда қатнашган ...
Блоглар
26 июн 2019
Ниҳоят 23 июнь куни Истанбул шаҳри ҳокимлиги учун қайта сайлов бўлиб ўтди. Истанбул шаҳри ҳокимлиги ...
3 июн 2019
28 май куни Тошкентда ўтган конференцияда президентнинг тўнғич қизи Саида Мирзиёева маҳаллий оммавий ахборот воситаларининг ...
23 май 2019
Лас-Вегас – гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...