Asosiy mavzular
10 may 2021

10 may – o‘zbek kinosi darg‘asi Yo‘ldosh A'zamov tug‘ilgan kun

O‘zbek badiiy kinosiga asos solgan Yo‘ldosh A'zamov 1909 yilning 10 mayida Sirdaryoda tug‘ildi.

Yo‘ldosh A'zamov «Sovkino», «Vostokkino», «O‘zbekfilm»larda ishladi, aktyor sifatida Yu.Rayzmanning «Yer chanqog‘i» (1930), N.G‘anievaning «Yuksalish» (1931) filmlaridagi Qurbongeldi va mexanik obrazlarini yaratdi.

1945 yili u «Tohir va Zuhra» (1945) badiiy filmiga ikkinchi rejissyor bo‘ldi. Urushdan keyingi yillarda esa hujjatli-xronikal filmlar («Xalq qizlari», «Toshkent MYeSi») ishladi.

1934 yili birinchi mustaqil badiiy filmi – «Qilich»ni yaratdi.

Toshkentdagi Yosh tomoshabinlar teatrida rejissyor sifatida bir qancha pesalarni sahnalashtirgan.

A'zamov kinorejissyor sifatida «Gulbahor» (1956), «Maftuningman» (1958), «Furqat» (1959), «Istiqbol yo‘li» (1961), «Oydin sahifa» (1965), «Sayyod qo‘ng‘irog‘i» (1966), «O‘tkan kunlar» (1969), «Olovli so‘qmoqlar» (1971), «Mehrobdan chayon» («Zulmatni tark etib», 1973), «Odamlar tashvishida» (1976), «Ota nasihati» (1979), «Katta va qisqa hayot» (1981), «Parol», «Regina» mehmonxonasi» (3.Rayzman bilan hamkorlikda, 1984) va boshqa filmlarni yaratdi.

A'zamov ijodida o‘zbek xalqining tarixiy va zamonaviy hayoti sahifalarini milliy ruhda ko‘rsatishga intilish ko‘proq seziladi.

Aktyorlar bilan obrazlar ustida chuqur ishlash, barcha harakatlarni qahramon harakteri va ichki dunyosini ochib berishga qaratish rejissyor ijodiga xos.

Yo‘ldosh A'zamov 1985 yilning 16 iyunida 76 yoshida vafot etdi.

Eltuz.com

Tag‘in o‘qing
23 iyul 2018
«Arsenal» klubi yarim himoyachisi, 29 yoshli Mesut O‘zilning turk ekanligi Germaniyaning jahon chempionatidagi omadsizligi bois, uning yuziga solindi. «Agar ...
25 may 2020
Gulnora Karimovaning qizi va o‘g‘li o‘zbek tadbirkorlarini «amneziya» (unutish kasalligi)ga chalinganlikda ayblashdi. So‘nggi ikki haftada turli yillarda Gulnora Karimova ...
1 fevral 2016
2016 yil 27 yanvar kuni BJ’s Wholesale Club chakana savdo kompaniyasi Paxta majburiyati (Cotton Pledge)ga imzo chekkan 200 dan ...
25 oktyabr 2017
Ijtimoiy tarmoqda Alisher Usmonovdan bir million rubl mukofot so‘ragan o‘zbekning videosi ovoza bo‘ldi. Videoda o‘zining oddiy bir ishchi ekanini ...
Bloglar
25 may 2021
O‘zbekistonda yaqinda o‘tkazilgan so‘rovnoma respondentlarning 10 foizdan ko‘prog‘i oiladagi zo‘ravonlikka qarshi emasligini ko‘rsatdi. Bu mamlakatdagi gender munosabatlardagi tashvishga soladigan holatdir. Bu haqda Eurasianet nashri yozdi. 15 may kuni BMTning ...
19 may 2021
Toshkent shahrida bunyod etilgan “G‘alaba bog‘i” yodgorlik majmuasida harbiy xizmatni o‘tayotgan oddiy askarlar 9 may ...
18 may 2021
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...