Asosiy mavzular
16 iyun 2016

Majburiy sotilayotgan mustaqillik shiori

Farg‘ona viloyatning ta'lim muassasalari direktorlari ikkitadan olishi kerak bo‘lgan “Go‘zal va betakrorimsan, muqaddas Vatanim, jonim senga fido, O‘zbekistonim!” shiorining har biri 90 ming so‘mdan.

Shu yilning 2 iyunida chiqqan O‘zbekiston Prezidentining “O‘zbekiston Respublikasi davlat mustaqilligining yigirma besh yillik bayramiga tayyorgarlik ko‘rish va uni o‘tkazish to‘g‘risida”gi qarorida ayni shu shior bayramning asosiy g‘oyasi bo‘lishi kerakligi aytilgan edi.

“Rayono raxbarlari qaysidir bosmaxona bilan shartnoma tuzgan bo‘lsa kerak”, – dedi Eltuz.comga ismi sir qolishini so‘ragan rishtonlik maktab direktori.

Uning bildirishicha, tumanda 64 ta maktab bor. Yana bog‘chalar, musiqa va san'at, sport maktablari, “Barkamol avlod” bolalar markazi kabi Rayono tasarrufidagi “Barkamol avlod” bolalar markazi kabi muassasalar mavjud.

“Ularning har biri kamida ikkitadan shu shior bitilgan bannerni olishi shart va zarur. Bu shior muassasaning eng ko‘rinarli joyiga osib qo‘yilishi kerak” – deydi direktor.

Uning fikricha, Rayono rahbarlari shiorning sotilishidan manfaatdor. Bo‘lmasa har bir maktab direktorining qo‘liga ikkitadan majburan tutqazvormagan bo‘lardi.

Rayono rahbarlari bilan bog‘langanimizda, haqiqatdan ham bannerlar sotilayotganligini aytishdi. Biroq, ular ham “yuqori”ning topshirig‘ini bajarayotgan ekan.

Bugungacha O‘zbekistondagi maktab, bog‘cha va boshqa tarbiya muassasalarida o‘lponlar shusiz ham yetarli edi.

Maktab ta'miri, temir-tersak, makulatura, kelib-ketadigan tekshiruvchilar, chopiqqa bormaslik, ipak qurti boqmaslik uchun yig‘iladigan yig‘imlar ustiga, yana mustaqillik bayrami arafasida “Shior puli” ham qo‘shiladigan bo‘ldi.

Nasima Davron qizi
Eltuz.com

Tag‘in o‘qing
6 oktyabr 2020
Toshkentdagi Alisher Navoiy nomidagi kinosaroyning kichik majlislar zalida 3 oktyabr kuni o‘zbek kinorejessyori Jahongir Qosimov suratga olgan «Ibrat» filmining ...
22 dekabr 2017
22 dekabr kuni prezident Mirziyoev O‘zbekiston Oliy Majlisida qilgan bir necha soatlik jonli murojaatida moliya xodimlarini “kalamushlar” deb atadi. ...
20 aprel 2017
Taniqli jurnalistlar Shuhrat, Qudrat va Xurmat Bobojonovlarning Urganch tumanida yashovchi onasi Shukurjon Madrahimovaning aytishicha, u 18 aprel kuni o‘z ...
3 yanvar 2017
Qorasuvlik Yaxyo Mashrabov Bishkekka uchib keldi, uni so‘roq qilgan qirg‘iz rasmiylari Mashrabovning terrorga aloqasi yo‘qligini aytishdi. Qirg‘izistonlik bundan ilgari ...
Bloglar
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol mollari ...
20 oktyabr 2020
Bundan o‘n yil ilgari poytaxdagi o‘rtacha ikkita amaldor tushlikka bir millionga yaqin pul sarflashini eshitib ...
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...