27 iyun – birinchi o‘zbek gazetasi chiqqan kun

Turkistonda birinchi jadid matbuot organi – “Taraqqiy” gazetasi Toshkent shahrida Ismoil Obidov muharrirligida 1906 yil 27 iyundan e'tiboran chop etila boshlangan. Uning tahririyati O‘ratepa ko‘chasidagi 97-uyda joylashgan edi.

Gazetaning bir yillik bahosi 5 so‘m, olti oyligi 2 so‘m 50 tiyin, uch oyligi 1 so‘m 50 tiyin bo‘lgan, bir donasi 50 tiyindan sotilgan. Gazeta to‘rt sahifada chop etilib, unda e'lonlar ham bosilgan. E'lonlar gazetaning birinchi sahifasida satriga 40 tiyindan, oxirgi sahifada satriga 20 tiyindan bosilgan.

“Taraqqiy” gazetasining shiori “Najot: maslakda sabot, to‘g‘rilikda ijobat” edi. Nashr “ilmiy, adabiy, siyosiy, faniy, tijoriy” gazeta bo‘lganligi uning o‘zida ta'kidlab ko‘rsatiladi.

Gazeta faoliyati juda qisqa vaqt davom etdi. Shundan so‘ng M.Abdurashidxonov muharrirligida “Xurshid” gazetasi chiqarila boshlandi. 1907 yil 21 avgustda “Tujjor” gazetasi chiqqan.

27 iyun ayni paytda O‘zbekistonda matbuot va ommaviy axborot vositalari xodimlari kuni sifatida nishonlanadi

Eltuz.com