Hayit arafasida masjidlardan bomba qidirildi

Ichki ishlar xodimlariga kirakashlik qilgan avtomobil haydovchisi militsiya va sapyorlar guruhi har bir masjidni sinchiklab tekshirganini, kuni bo‘yi uch nafar militsiya hodimini yettita masjidga olib borgani, har masjidni bir ikki soatlab tekshirishganini aytadi.

“Menga tuman GAI boshlig‘i qo‘ng‘iroq qilib, viloyatdan mehmonlar bor, o‘shalarni masjidlarga olib borib keling”, -deb iltimos qildi deydi u.

Shu kuni sapyorlarga hamrohlik qilgan tuman IIB vakili ham uning so‘zlarini tasdiqlaydi. U sapyorlar guruhi masjidlarga portlovchi moddalar qo‘yilgan-qo‘yilmaganligini tekshirganini aytadi. Uning aytishicha, hayit arafasida masjidlarning har bir qarich yeri tekshirilgan.

«Ba'zi tumanlarda beshta, ba'zilarida yettitagacha masjidlarda ertaga hayit namozi o‘qiladi, shuning uchun xavfsizlik choralari kuchaytirildi, Xudoga shukur, biror masjidda terror havfi aniqlanmadi” deydi u.

Nasima Davron qizi
Eltuz.com